مرزاقادیانی کا ہی ارشاد ہے کہ :’’ملہم سے زیادہ کوئی الہام کے معنی نہیں سمجھ سکتا۔‘‘
(تتمہ حقیقت الوحی ص۷،خزائن ج۲۲ص۴۳۸) اور یہ حقیقت منکشف نہ ہونے کا ارشاد اس شخصیت کے بارے میں ہے جو خدا سے خبر پا کر ہم تک دجال کی آمد کی کھلی کھلی خبریں پہنچارہے ہیں اوراس کی نشانیاں بھی بڑی حد تک بتاچکے ہیں اوراس کے خاتمہ کی اور کس طرح خاتمہ ہوگا،کی بھی کسی حد تک تفصیلی خبر دے چکے ہیں۔دجال کے خروج کے بارہ میں کافی احادیث مبارکہ موجود ہیں۔یہاں سب تو پیش نہیں کرسکتے لیکن مختصرساجائزہ کہ احادیث مبارکہ دجال کے بارہ میں کیا کہتی ہیں؟ تاکہ جب آپ مرزاقادیانی کی باتیں پڑھیں تو آپ کے ذہن میں اس سے قبل ارشادات نبویہ کی کچھ جھلک موجودہو۔
٭… ’’حضرت نافع بن عتبہؓ سے روایت ہے کہ ہم رسولﷺکے ساتھ ایک غزوہ میں شریک تھے… اسی دوران آپ نے چار کلمات ادا کئے ۔جنہیں میں نے اپنے ہاتھوںپر شمار کر لیا۔آپؐنے فرمایا :’’تم جزیرۃ العرب میں جہاد کرو گے۔اللہ تعالیٰ تمہیں اس میں فتح عطا فرمائے گا۔پھرتم اہل فارس سے جنگ کرو گے۔ان پر بھی اللہ تمہیں فتح عطاء فرمائیں گے۔پھر تم روم والوں سے جہاد کرو گے اوراللہ تعالیٰ تمہیں اس میں بھی فتح عطاء کریں گے۔پھر تم دجال سے جنگ کرو گے اس پر بھی اللہ تعالیٰ تمہیں فتح عطا کریں گے… (مسلم شریف ج۲ص۳۹۳،کتاب الفتن)
٭… ’’حضرت حذیفہ بن اسید غفاریؓ سے روایت ہے کہ ہمارے پاس نبی کریمﷺ تشریف لائے اورہم باہم گفتگو کررہے تھے توآپﷺنے فرمایا :’’تم کس بات کا تذکرہ کر رہے ہو؟‘‘انہوں نے عرض کیا ہم قیامت کاتذکرہ کر رہے ہیں۔آپﷺ نے فرمایا :’’وہ ہرگز قائم نہ ہوگی۔یہاں تک کہ تم اس سے پہلے دس علامات دیکھ لوگے۔پھر دھوئیں،دجال، دابۃ الارض، سورج کے مغرب سے طلوع ہونے اورسید ناعیسی بن مریم علیہ السلام کے نازل ہونے اور یاجوج ماجوج اورتین جگہوں کے دھنسنے ،ایک دھنسنا مشرق میں ،اور ایک دھنسنا مغرب میں اورایک دھنسنا جزیرۃ العرب میں ہونے اورآخر یمن میں سے آگ نکلنے کاذکر فرمایاجو لوگوں کو جمع ہونے کی جگہ پر لے جائے گی‘‘ (مسلم شریف ج۲ص۳۹۳کتاب الفتن)
٭… حضرت ابن عمرؓ سے روایت ہے کہ رسول ﷺنے لوگوںکے سامنے دجال کا ذکر کیا توارشاد فرمایا:’’بے شک اللہ تعالیٰ کا نانہیں ہے اورمسیح دجال دائیں آنکھ سے کانا ہوگا۔گویا کہ اس کی آنکھ پھولے ہوئے انگور کی طرح ہوگی‘‘ (مسلم شریف ج۲ص۳۹۹باب ذکر الدجال ،کتاب الفتن)
٭… ’’حضرت انس بن مالکؓسے روایت ہے کہ رسول اللہ ﷺنے ارشاد فرمایا :’’دجال
