رسول پاکﷺ کی توہین نہیں؟
اب مرزاقادیانی اپنی وحی کے ذریعہ اپنی امت کو اپنے (مرزا) پر درود بھیجنے کا حکم سنارہے ہیں تاکہ برابری کا دعویٰ پکا ہو جائے اور اس (خودساختہ) الہام میں رسول پاکﷺ کا نام صرف اس لئے لگایا ہے کہ مرید بھی کہیں چونک نہ پڑیں اور کئے کرائے پر سوال نہ اٹھ جائیں۔ ’’صلی اﷲ علیک وعلی محمد‘‘ (تذکرہ، ص۷۷۷، طبع۳) اور بات صرف رسول پاکﷺ کے ساتھ درود بھیجنے کی ہی نہیں بلکہ اس سے کہیں آگے تک جاتی ہے؟ کیا یہ رسول پاکﷺ کی توہین نہیں؟
اور مرزاقادیانی پر درود بھیجنے کو تاکیداً اور فرض بنانے کے لئے کیا وحی ہوتی ہے لیکن ایک اہم بات جو غیرمحسوس طریق پر مرزاقادیانی نے اپنی اس وحی میں پیدا کی ہے کہ اب درود بھیجنے کے وقت صرف مرزاقادیانی کا نام کافی ہے اور رسول پاک کا نام لینا اب ضروری نہیں کیونکہ صلحاء عرب اور شام کے ابدال صرف مرزاقادیانی پر درود بھیج رہے ہیں اور ان کے درود میں حضرت محمدﷺ کا نام نہیں اور ان کی اس بات کی تائید زمین وآسمان کے ساتھ (بغیر رسول پاکﷺ کو شامل کئے) اﷲ بھی عرش سے تعریف کے ساتھ کررہا ہے۔ مرزاقادیانی کی وحی ہے: ’’یصلون علیک صلحاء العرب وابدال الشام۔ وتصلی علیک الارض والسماء ویحمدک اﷲ من عرشہ۔ ترجمہ: تجھ پر عرب کے صلحاء اور شام کے ابدال درود بھیجیںگے۔ زمین وآسمان تجھ پر درود بھیجتے ہیں اور اﷲ تعالیٰ عرش سے تیری تعریف کرتا ہے۔‘‘ (تذکرہ، ص۱۶۲، طبع۳) اسلامی تعلیمات یہ کہتی ہیں کہ کوئی بھی درود رسول پاکﷺ کے نام کے بغیر مکمل نہیں لیکن یہاں کتنی پرکاری سے الہام کے نام پر رسول پاکﷺ کے نام کو باہر نکالنے کی کوشش ہورہی ہے۔ کیا یہ رسول پاکﷺ کی توہین نہیں؟
آج مرزاقادیانی کو مرے ہوئے سوسال ہوگئے اگر ان کی زندگی میں نہیں تو موت کے بعد ہی بتادیں کہ کوسنے صلحائے عرب ہیں جنہوں نے مرزاقادیانی پر درود بھیجا ہے؟ شام کے وہ کونسے ابدال ہیں جو سلامتی بھیج رہے ہیں؟ کیا قادیانی جماعت کسی واقعی صلحاء یا ابدال کے نام دے سکتی ہے؟ جن کی اس حیثیت کو ساری مسلم دنیا نہ سہی کم ازکم عرب دنیا ہی تسلیم کرتی ہو، یہ علیحدہ بات کہ اپنی جماعت کے کن ٹُٹوں کو جو مرضی قرار دے لو لیکن بات صرف نام، مقام، کلمہ اور درود پر ڈاکہ ڈالنے یا برابری کرنے تک ہی نہیں رہتی۔
اب رسول کریمﷺ کی تجلی سے ہی دنیا کو محروم کرنے کی سازشیں شروع ہوتی ہیں۔