جب کسی سے پرخاش، بغض، عداوت یا دلی نفرت ہو، تو انہیں اس کی خوبیوں میں بھی سو، سو نقائص نظر آتے ہیں اور نہ صرف اس کے محاسن وخوبیوں کو نقائص ومعائب بنا کر پیش کیا جاتا ہے۔ بلکہ ان پر حرف گیری کی جاتی ہے۔ قادیانیوں کے مذکورہ اعتراض میں بھی ذات نبوی سے بغض وعداوت کا یہی فلسفہ کارفرما ہے۔
ورنہ اگر دیکھا جائے تو آنحضرتﷺ نے اپنی ذات اور اپنے خاندان کے لئے زکوٰۃ وصدقات کو حرام قرار دے کر جہاں امت کے غرباء اور فقراء پر احسان فرمایا ہے۔ وہاں اپنی ذات اور اپنے خاندان کے لئے تنگی اور مشکلات پیدا فرمائی ہیں۔ اس لئے کہ:
۱… ’’زکوٰۃ تو ہر صاحب نصاب مسلمان پر واجب ہے اور اس کی ادائیگی اس کے ذمہ فرض ہے۔ اگر زکوٰۃ وصدقات واجبہ آنحضرتﷺ اور آپ کے خاندان کے لئے حلال ہوتی تو ہر مسلمان کی خواہش ہوتی کہ میری زکوٰۃ سید دو عالمﷺ آپ کے خاندان اور آل واطہار کے مصرف میں آئے۔ اس سے ذات نبوی اور آپﷺ کا خاندان تو آسودہ حال ہوسکتا تھا۔ مگر اس کے ساتھ، ساتھ مسلمان غرباء اور فقراء مالی تنگی اور تنگ دستی کا شکار ہو جاتے۔ اس لئے آنحضرتﷺ نے اپنی ذات، آل اولاد اور خاندان کے مفادات کی قربانی دی اور اپنے آپ کو اور اپنے خاندان کو مشقت میں ڈال کر امت مسلمہ کے غرباء اور فقراء کے منافع کو پیش نظر رکھا۔‘‘
۲… اسی طرح آپﷺ نے اپنے لئے اور اپنی آل واطہار کے لئے ہدیہ وعطیہ قبول کرنے میں بھی اپنی ذات اور اپنے خاندان کے مالی منافع کو مزید محدود فرمادیا ہے۔ کیونکہ ہدیہ وعطیہ دینے کی نہ تو ہر مسلمان میں استعداد واستطاعت ہوتی ہے اور نہ ہی ہر کسی کواس کا ذوق ہوتا ہے۔ نتیجتاً آپﷺ کا خاندان مالی تنگی اور عسر کے ساتھ ساتھ زہد وتکشف کا خوگر رہے گا اور یہی آنحضرتﷺ کی خواہش اور دلی دعا تھی۔ چنانچہ آنحضرتﷺ نے ہمیشہ اس کی دعا فرمائی کہ: ’’اللہم اجعل رزق اٰل محمد قوتاً (متفق علیہ مشکوٰۃ ص۴۴۰)‘‘ {اے اﷲ! میرے خاندان کا رزق بقدر کفایت ہو۔}
۳… دیکھا جائے تو آنحضرتﷺ کا اپنی ذات اور اپنے خاندان کے لئے زکوٰۃ وصدقات کو حرام قرار دینے کا راز یہ تھا کہ اگر آپﷺ خود اپنی ذات یا اپنے خاندان کے لئے صدقات وزکوٰۃ لینا حلال قرار دیتے تو احتمال تھا کہ اسلام دشمن اور قادیانیوں جیسے ملاحدہ وغیرہ یہ اعتراض کرتے کہ حضرت محمدﷺ نے… نعوذ باﷲ! زکوٰۃ وصدقات کا حکم اپنی ذات اور اپنے خاندان کی مالی آسودگی کے لئے دیا ہے۔ جب ہی تو نعوذ باﷲ! وہ زکوٰۃ پر پل رہے ہیں۔ اسی حکمت کے تحت
