فضیلت نمبر۳7
رسولِ انور ﷺ کی تشریف آوری پر مدینہ منورہ کا روشن ہوجانا
عن أنس رضى الله عنه قال : لما کان الیوم الذی دخل فیه رسول الله ﷺ المدینة أضاء من المدینة کل شیء ،فلما کان الیوم الذی مات فیه رسول الله ﷺ أظلم من المدینة کل شیء وما فرغنا من دفنه حتی أنکرنا قلوبنا․ رواه أحمدوالترمذي ( رواہ أحمد (ج۳ /ص۲۲۱) والترمذی(کتاب الدعوات ،ابواب المناقب رقم ۳۶۱۸) وصححہ )
ترجمہ: حضرت انس رضى الله عنہ فرماتے ہیں کہ جس روز رسول اللہ ﷺ مدینہ منورہ تشریف لائے تو اس روز مدینہ کی ہر چیز روشن ہوگئی اور جس روز آپ ﷺ کا انتقال ہوا تو مدینہ کی ہر چیز تاریک ہوگئی ، اور ابھی ہم رسولِ انور ﷺ کی تدفین سے فارغ بھی نہیں ہوئے تھے کہ ہم نے اپنے دلوں کی ( نورانی )کیفیت میں فرق محسوس کیا۔
تشریح: ملا علی قاری لکھتے ہیں کہ حضرت انس رضى الله عنہ کا یہ فرمانا کہ(( أضاء من المدینة کل شیء )) (یعنی جس روز اللہ کے رسول ﷺ مدینہ منورہ تشریف لائے تو اس روز مدینہ کی ہر چیز منور ہوگئی)سے یہ ثابت ہوتا ہے کہ یہ نورانیت اور مدینہ کا روشن ہونا محسوس ہوتا تھا۔ اور وفات کے بعد دلوں کی کیفیت بدل جانے سے یہ مراد نہیں ہے کہ ہمارے تصدیقِ ایمانی میں کچھ کمی
