جناب شیخ راحیل صاحب نے جب اسلام قبول کیا تو چناب نگر بھی تشریف لائے۔ ایک دن ملنے کے لئے مدرسہ عربیہ ختم نبوت مسلم کالونی چناب نگر تشریف لائے۔ وہ شعبان المبارک کا اوائل تھا۔ اس دن مدرسہ میں ردقادیانیت کورس کا آغاز ہورہا تھا۔ انہوں نے سینکڑوں علمائ، طلباء کو دیکھا تو ان کی خوشی کا ٹھکانہ نہ رہا۔ جناب عبداللطیف خالد چیمہ سے ان کے برادرانہ تعلقات قائم ہوگئے تھے۔ فقیر نے چیمہ صاحب سے مرحوم کی تاریخ وفات اور بقیہ رسائل ومضامین کی بابت درخواست کی۔ وعدہ تو کیا۔ مگر وہ وعدہ ہی کیا جو وفا ہوا۔ اسی میں اﷲ رب العزت کی کوئی حکمت ہوگی۔ محض رضائے الٰہی کے لئے جو فقیر کو ملا وہ شامل اشاعت کر دیا۔ بہت ہی شکرگزار ہوں اپنے مخدوم وواجب التکریم جناب عزت خان صاحب جو برنلے برطانیہ میں رہتے ہیں اور ردقادیانیت کے کام کے اس خطۂ انگلستان میں سرخیل ہیں۔ بھرپور معلومات رکھتے ہیں۔ فقیر کی استدعا پر آپ نے جناب راحیل صاحب کی ویب سائٹ پر جو مضامین تھے ان کا پرنٹ عنایت کیا۔ مجھے خوشی ہے کہ یہ تمام مضامین احتساب قادیانیت کی اس جلد میں شامل ہوگئے۔ ان مضامین میں چند مضامین المانیہ کے جناب ابوالسہیل صاحب کے بھی تھے وہ بھی سابق قادیانی ہیں۔ ان کو بھی فقیر نے ان مضامین میں شامل رہنے دیا۔
۱۰… ردالدجاجلہ (حصہ سوم): یہ رسالہ جناب فیض اﷲ صاحب گجراتی کا ہے۔ اس کے چار حصے تھے۔ حصہ اوّل، دوم اور چہارم نہ مل سکے۔ یہ رسالہ مرزاقادیانی کی قرآن مجید کی تحریفات کے عنوان پر لکھاگیا۔ اچھی محنت کی ہے۔ اس سے زیادہ تفصیل نہ مل سکی۔
غرض اس جلد۴۳ میں:
۱… حضرت مولانا سعید احمد جلالپوریc کے ۶ رسائل
۲… جناب پروفیسر منور احمد ملک کا مجموعہ مضامین ۱ عدد
۳… جناب شیخ راحیل احمد جرمنی کا مجموعہ مضامین ورسالہ ۲ عدد
۴… جناب فیض اﷲ صاحب کنجاہ روڈ گجرات کا ۱ رسالہ
کل چار حضرات کے دس عدد کتب ورسائل شامل اشاعت ہیں۔ اچھا تو اگلی جلد تک کے لئے اجازت چاہتا ہوں۔ امین بحرمۃ النبی الکریم!
محتاج دعائ: فقیر اﷲ وسایا! ۴؍جمادی الاوّل ۱۴۳۳ھ، بمطابق۲۸؍مارچ ۲۰۱۲ء