پاک کی چند آیتیں اس جنگ ِاحد کے متعلق ہم تم کو سناتے ہیں، باقی جب تم خود پڑھو گے تو سب کچھ سمجھ لوگے:
{وَاِذْغَدَ وْتَ مِنْ اَہْلِکَ تُبَوِّئُ الْمُؤْمِنِیْنَ مَقَاعِدَ لِلْقِتَالِ ط وَاللّٰہُ سَمِیْعٌ عَلِیْمٌo إِذْ ہَمَّتْ طَّآئِفَتٰنِ مِنکُمْ اَن تَفْشَلاَ لا وَاللّٰہُ وَلِیُّہُمَا طا وَعَلَی اللّٰہِ فَلْیَتَوَکَّلِ الْمُؤْمِنُوْنَ o}1
(اے پیغمبر! جنگ ِ اُحد کاوہ وقت یاد کرو) جب تم صبح کے وقت اپنے گھر سے نکل کر مسلمانوں کو جنگ کے ٹھکانوں پر جمار ہے تھے، اور اللہ سب کچھ سننے جاننے والا ہے۔ جب تمہی میں کے دو گروہوں نے یہ سوچاتھا کہ وہ ہمت ہار بیٹھیں ، حالاںکہ اللہ ان کاحامی وناصر تھا، او رمؤمنوں کو اللہ ہی پر بھروسہ رکھنا چاہیے۔
پھر آگے چل کر فرماتے ہیں:
{وَلاَ تَہِنُوْا وَلاَ تَحْزَنُوْا وَاَنْتُمُ الأَعْلَوْنَ اِنْ کُنْتُمْ مُّؤْمِنِیْنَ o}2
(مسلمانو!) تم نہ تو کمزور پڑو، اور نہ غمگین رہو۔ اگر تم واقعی مؤمن ہو تو تم ہی سربلند ہوگے۔
مسلمانوں کو تسلی دیتے ہوئے اللہ تعالیٰ فرماتے ہیں:
{اِنْ یَّمْسَسْکُمْ قَرْحٌ فَقَدْ مَسَّ الْقَوْمَ قَرْحٌ مِّثْلُہٗ}3
اگر تمہیں ایک زخم لگا ہے تو ان لوگوں کو بھی اسی جیسا زخم پہلے لگ چکا ہے۔
پھر اللہ تعالیٰ مسلمانوں کو نصیحت کرتے ہوئے فرماتے ہیں:
{وَلَقَدْ صَدَقَکُمُ اللّٰہُ وَعْدَہٗ اِذْ تَحُسُّونَہُم بِاِذْنِہٖ ج حَتَّی اِذَا فَشِلْتُمْ وَتَنَازَعْتُمْ فِیْ الاَمْرِ وَعَصَیْْتُمْ مِّنْم بَعْدِ مَآ اَرٰکُمْ مَّا تُحِبُّونَ}4
اور اللہ نے یقینا اس وقت اپنا وعدہ پورا کردیا تھا جب تم دشمنوں کو اسی کے حکم سے قتل کررہے تھے، یہاں تک کہ جب تم نے کمزوری دکھائی اور حکم کے بارے میں باہم اختلاف کیا اور جب اللہ نے تمہاری پسندیدہ چیز تمہیں دکھائی تو تم نے ( اپنے امیر کا) کہنا نہیں مانا۔
مسلمانوں کو کافروں کے مقابلہ میں شکست اللہ اور اس کے رسولﷺکی اطاعت کی کمزوری کی وجہ سے ہوتی ہے، جیسا کہ آپ کو بتایا جاچکا ہے کہ ہمارے پیارے نبیﷺنے پچاس تیراندازوں کو چند جگہوں پر بٹھادیا تھا اور تاکید کردی تھی کہ وہاں سے نہ ہٹیں ،لیکن سوائے تیرہ کے بقیہ لوگ وہاں سے ہٹ گئے، اللہ تعالیٰ اسی بات کو اس طرح فرماتے ہیں:
{بَلٰی اِنْ تَصْبِرُوْا وَتَتَّقُوْا وَیَاْتُوْکُمْ مِّنْ فَوْرِہِمْ ہٰـذَا یُمْدِدْکُمْ رَبُّکُمْ بِخَمْسَۃِ اٰلٰفٍ مِّنَ الْمَلٰئِکَۃِ مُسَوِّمِیْنَ}1
ہاں! بلکہ اگر تم صبر اور تقویٰ اختیار کرو اور وہ لوگ اپنے اسی ریلے میں اچانک تم تک پہنچ جائیں تو تمہارا پروردگار پانچ ہزار فرشتے تمہاری مدد کو بھیج دے گا۔
بچو! یہ آیات ہم نے بہت تھوڑی سی نقل کی ہیں، جب آپ قرآن پاک خود پڑھیں گے تو تمام حالات آپ کے سامنے آجائیں گے، غزوۂ احد سے ہم کو دوباتوں کاسبق ملتا ہے:
