دیا تو لوگوں کو بہت تعجب ہوا کہ یہ سکہ فلاں بادشاہ کے وقت کا ہے جس کومرے ہوئے کئی سوبرس ہوگئے۔ لوگوں کوشک گزرا کہ کہیں کوئی خزانہ تو اس کے ہاتھ نہیں لگا او روہ اس کو بادشاہ کے پاس پکڑ کر لے گئے، بادشاہ نے اس سے پوچھا کہ یہ پیسے تمہیں کہاں سے ملے؟ اس نے کہا کہ کل میں نے اپنی کچھ کھجور بیچی تھی، اس کے بدلے میں ملے تھے۔ بادشاہ سمجھ گیا کہ اس کو کوئی خزانہ وغیرہ نہیں ملا، بلکہ اس کے ساتھ اللہ تعالیٰ کا کوئی خصوصی معاملہ ہوا ہے۔ یہ بادشاہ بہت ایمان دار تھا، اللہ کو اور روزِ قیامت کو مانتا تھا، اس نے ان نوجوانوں کو اپنے دربار میں بلایا اور سارا قصہ سنا۔ بادشاہ کو اور حاضرین کو بہت تعجب ہوا، بادشاہ مع درباریوں کے اس غار تک آئے۔انھوں نے ان نوجوانوں کو سوتے دیکھا، جو نوجوان جوکھانا لینے آیا تھا وہ بھی غار میں داخل ہوتے ہی اپنے ساتھیوں کے ساتھ مل کر سوگیا۔اس واقعہ سے بادشاہ اور ان کے درباریوں پر اللہ تعالیٰ کی قدرت واضح ہوگئی اور وہ ان کو وہاں چھوڑ کر واپس چلے آئے۔
بادشاہ اور ان کے درباریوں کو اور یقین ہوگیا کہ اللہ تعالیٰ بڑی طاقت اور قدرت والا ہے، مرنے کے بعد وہ اسی طرح زندہ کردے گا جس طرح ان غار والوں کو کیا ہے۔
بچو! اللہ تعالیٰ نے اس واقعہ سے ہم کو یہ بتادیا ہے کہ وہ اپنے ماننے والوں کی حفاظت کرتا ہے، ظالموں سے نجات کی ایسی صورتیں پیدا کردیتا ہے جو کسی انسان کے وہم وگمان میں بھی نہیں آسکتیں۔ہم کویہ بھی سبق ملتا ہے کہ جس شخص کے دل میں اللہ تعالیٰ کی محبت پیدا ہوجاتی ہے وہ کسی بڑے سے بڑے بادشاہ سے بھی نہیں دبتا۔
بچو!آئو ،ہم سب بھی اللہ تعالیٰ سے محبت کریں اور یہ یقین پیدا کرلیں کہ ہر کام اسی کی مدد سے ہوتا ہے اور جوکچھ ہم دنیا میں اچھا یابرا کام کریں گے قیامت کے روز ہم کو اس کا بدلہ ملے گا۔
حبیبِ خدا، سردارُ الانبیاء، خاتمُ النبیین
حضرت محمد مصطفی ﷺ
حضرت عیسیٰ ؑ سے لے کر حضور ﷺ کی پیدایش کے حالات:
بچو! حضرت عیسیٰ ؑ کا ذکر پہلے سن چکے ہو، انھوں نے اپنی قوم سے کہا تھا کہ میرے بعد ایک نبی آئے گا، ان کانام ’’احمد‘‘ ہوگا۔ حضرت عیسیٰ ؑکو جب اللہ تعالیٰ نے آسمان پر
