احمد قادیانی کے الفاظ غور سے سن لیں اور خود فیصلہ کریں: ’’اگر میں نے اسلام کی حمایت میں وہ کام کر دکھایا جو مسیح موعود کو کرنا چاہئے تھا۔ تو پھر میں سچا ہوں اور اگر نہ ہوا اور میں مر گیا تو سب گواہ رہیں کہ میں جھوٹا ہوں۔‘‘ (بدر ج۲ نمبر۹ ص۵، مورخہ ۱۹؍جولائی ۱۹۰۶ئ، مکتوبات احمدیہ ج۶ حصہ اوّل ص۱۶۲)
کوئی بھی کام مسیحا ترا پورا نہ ہوا
نامرادی میں ہوا ترا آنا جانا
مبارک ہیں وہ لوگ جو مرزا قادیانی کی ناکامی پر گواہی دیتے ہیں اور انہیں جھوٹا سمجھتے ہیں کہ عاقبت انہی کی ہے۔ (مرزا قادیانی اپنے نبی نہ ماننے والوں کو اسلام سے خارج کرتے ہیں۔ اسی کروڑ مسلمان معاذ اﷲ اسلام سے خارج ہوگئے۔ کیا یہی اسلامی خدمت ہے جو مرزاقادیانی نے انجام دی۔ افسوس صد ہا افسوس! فقط محمد مسلم!
ایک ہی عبارت میں مرزا قادیانی کے چار جھوٹ نمبر۱۳۹ تا نمبر۱۴۲
’’اور یاد رہے کہ قرآن شریف میں۔ بلکہ تورات کے بعض صحیفوں میں یہ خبر موجود ہے کہ مسیح موعود کے وقت طاعون پڑے گا بلکہ حضرت مسیح موعود علیہ السلام نے بھی انجیل میں خبر دی ہے اور ممکن نہیں کہ نبیوں کی پیش گوئیاں ٹل جائیں اور حاشیہ پر لکھا ہے کہ مسیح موعود کے وقت طاعون کا پڑنا بائبل کی ذیل کتابوں میں موجود ہے۔ زکریا باب۱۲ آیت۱۴، انجیل متی باب ۸ آیت۲۴، مکاشفات باب۸ آیت۲۲۔‘‘ ( کشتی نوح ص۵، خزائن ج۱۹ ص۵)
نوٹ: اس جگہ اکٹھے چار جھوٹ بولے ہیں۔ جھوٹ نمبر۱۳۹ قرآن پاک میں کسی ایک آیت مبارک میں یہ موجود نہیں کہ مسیح موعود کے وقت طاعون پڑے گا۔ جو شخص اﷲ تعالیٰ پر افترا کرنے سے بھی نہیں شرماتا تو اس کی دوسری باتوں کا کیا اعتبار ہوگا اور ہم اس کو ایک اچھا آدمی کیسے تصور کرسکتے ہیں۔ خدا تعالیٰ ارشاد فرماتا ہے: ’’ومن اظلم ممن افتری علی اﷲ کذبا او کذب باٰیتہ انہ لا یفلح الظالمون ‘‘ ترجمہ: اور اس سے بڑا ظالم کون ہے جو اﷲ تعالیٰ پر جھوٹ افترا باندھتا ہے یا اس کی آیتوں کو جھٹلاتا ہے بے شک وہ ظالم کامیاب نہیں ہوں گے۔
اور دوسری جگہ تو اس سے بھی زیادہ تفصیل سے فرمایا ہے جس کا مرزا غلام احمد قادیانی خوب مصداق بن سکتا ہے: ’’ومن اظلم ممن افتریٰ علی اﷲ کذبا اوقال اوحی الی ولم یوح الیہ شئی‘‘ترجمہ: ’’اس سے زیادہ کون ظالم ہے جو اﷲ تعالیٰ پر جھوٹا افترا باندھتا ہے اور کہتا ہے کہ میری طرف وحی کی جاتی ہے اور حالانکہ اس کی طرف کچھ بھی وحی نہیں ہوتی ایک جگہ ارشاد باری تعالیٰ ہے: ’’لعنۃ اﷲ علی الکاذبین‘‘۔ ترجمہ: ’’جھوٹوں پر خدا کی لعنت ہے‘‘۔
اور حضورﷺ نے ارشاد فرمایا: ’’ آیۃ المنافق ثلث اذا حدث کذب واذا وعد