ممکن ہے کہ اوّل وہ دمشق میں ہی نازل ہو
’’اس عاجز کی طرف سے بھی یہ دعویٰ نہیں کہ مسیحیت کا میرے وجود پر ہی خاتمہ ہے اور آئندہ کوئی مسیح نہیں آئے گا۔ بلکہ میں تو مانتا ہوں اور باربار کہتا ہوں کہ ایک کیا دس ہزار سے بھی زیادہ مسیح آسکتا ہے اور ممکن ہے کہ ظاہری جلال اور اقبال کے ساتھ بھی آوے اور ممکن ہے کہ اوّل وہ دمشق میں ہی نازل ہو۔‘‘ (ازالہ اوہام ص۲۹۴، خزائن ج۳ ص۲۵۱)
جب حضرت مسیح آسمان سے اتریں گے
’’صحیح مسلم کی حدیث میں یہ لفظ موجود ہے کہ حضرت مسیح جب آسمان سے اتریں گے تو ان کا لباس زرد رنگ کا ہوگا۔‘‘ (ازالہ اوہام ص۴۱، خزائن ج۳ ص۱۴۲)
مسیح دجال یک چشم کو قتل کر ڈالے گا
’’جب وہ مسیح موعود آئے گا تو صلیب کو توڑے گا اور خنزیروں کو قتل کرے گا اور دجال یک چشم کو قتل کر ڈالے گا۔‘‘ (ازالہ اوہام حاشیہ ص۸۰، خزائن ج۳ ص۱۴۲)
صحیح مسلم کی حدیث
’’ناگہاں مسیح ابن مریم ظاہر ہو جائے گا اور وہ ایک منارہ سفید کے پاس دمشق کے شرقی طرف اترے گا۔‘‘ (ازالہ اوہام ص۲۱۸، خزائن ج۳ ص۲۰۹)
’’حضرت ابن مریم دجال کی تلاش میں لگیں گے اور لد کے دروازہ پر جو بیت المقدس کے دیہات میں سے ایک گاؤں ہے اس کو جاکر پکڑیں گے اور قتل کر ڈالیں گے۔ تمت ترجمۃ الحدیث یہ وہ حدیث ہے جو صحیح مسلم میں امام مسلم صاحب نے لکھی ہے۔‘‘
(ازالہ اوہام ص۲۲۰، خزائن ج۳ ص۲۰۹)
مرزاقادیانی کا پہلا دھوکہ اور غلط بیانی
’’تخمیناً عرصہ بیس برس کا گذرا ہے کہ مجھ کو اس قرآنی آیت کا الہام ہوا تھا اور وہ یہ ہے۔ ’’ھو الذی ارسل رسولہ بالہدیٰ ودین الحق لیظہر علیٰ الدین کلہ‘‘ اور مجھ کو اس الہام کے معنی یہ سمجھائے گئے تھے کہ میں خداتعالیٰ کی طرف سے اس لئے بھیجا گیا ہوں
