بسم اﷲ الرحمن الرحیم!
عرض مرتب
نحمدہ ونصلی علیٰ رسولہ الکریم۰امابعد!
اﷲ رب العزت کے فضل وکرم سے احتساب قادیانیت کی چونتیسویں(۳۴ویں) جلد پیش خدمت ہے۔ اس جلد میں:
ژ… جناب اسرار احمد صاحب آزاد مرحوم کا ایک رسالہ۔
۱… کفریات مرزا: شامل اشاعت ہے۔ یہ رسالہ پہلی بار جون۱۹۳۴ء میں شائع ہوا۔ پون صدی بعد دوبارہ اشاعت پر اﷲتعالیٰ کا شکر ادا کرتے ہیں۔ جناب اسرار صاحب آزاد مرحوم ’’العزم‘‘ کے مدیر تھے اور اپنے زمانہ کے معروف دانشور تھے۔ آپ نے اوّلاً اس رسالہ کا حضرت مولانا ظفر علی خانؒ کے نام انتساب کیا۔
ژ… جناب حضرت مولانا محمد امیر الزمان صاحب کشمیریؒ کا ایک رسالہ۔
۲/۱… فتنۂ مرزائیت: شامل اشاعت ہے۔ آپ نے یہ رسالہ جولائی ۱۹۵۲ء میں تحریر فرمایا۔ نصف صدی سے زائد عرصہ بعد اس کی اشاعت محض توفیق ایزدی کی مرہون منت ہے۔ مولانا امیرالزمانؒ کشمیر کے رہائشی تھے۔ دارالعلوم دیوبند کے فاضل تھے اور جامع مسجد فاروقی کراچی کے خطیب ومہتمم تھے۔ آپ کے اس رسالہ پر مفتی اعظم مولانا مفتی محمد شفیعؒ کی تقریظ اس کی ثقاہت کے لئے کافی ہے۔
ژ… ڈاکٹر محمد عبداﷲ خان جتوئی ؒکے چھ رسائل اس جلد میں شامل ہیں۔
۳/۱… مرزاغلام احمد قادیانی کے شیطانی الہامات اور شیطانی تحریریں: جناب ڈاکٹر محمد عبداﷲ خانؒ جتوئی ضلع مظفرگڑھ کے رہائشی تھے۔ تعلیم کے زمانہ میں ایک