مسلمان مرد یا عورت کا نکاح کسی مرزائی مرد اور عورت سے جائز نہیں اور اگر نکاح ہوگیا اور ان کے نکاح کے بعد کسی نے مرزائی مذہب اختیار کر لیا تو نکاح فوراً فسخ ہوجائے گا۔ ورنہ اولاد اولاد الزنا ہوگی اور نسب ثابت نہ ہوگا۔ (بیانات علمائے ربانی برارتداد فرقہ قادیانی ص۱۰۰)
مرزاقادیانی کی متضاد باتیں
مرزاقادیانی کی مذہبی زندگی کے دو تفصیلی دور بیان کرنے کے بعد ضرورت محسوس ہوئی کہ دونوں دوروں کی تلخیص کی جائے تاکہ قارئین حضرات کو سہولت رہے۔
پہلا تضاد
قادیان طاعون سے اس لئے محفوظ رکھی گئی ہے کہ وہ خدا کا رسول اور فرستادہ قادیان تھا۔
(دافع البلاء ص۵، خزائن ج۱۸ ص۲۲۶)
اگرچہ طاعون تمام بلاد اسلامیہ پر اپنا پرہیبت اثر ڈالے گی۔ مگر قادیان یقینا یقینا اس کی دست برد سے محفوظ رہے گا۔
(اخبار الحکم مورخہ ۱۰؍اپریل ۱۹۰۲ئ)
طاعون کے دنوں میں جب قادیان میں طاعون زور پر تھا۔ میرا لڑکا شریف احمد بیمار ہوا۔
(حقیقت الوحی ص۸۴ حاشیہ، خزائن ج۲۲ ص۸۷)
دوسرا تضاد
ہم ایسے ناپاک خیال اور متکبر اور راست بازوں کے دشمن کو ایک بھلا مانس آدمی بھی قرار نہیں دے سکتے۔ چہ جائیکہ نبی قرار دیں۔
(ضمیمہ انجام آتھم ص۹، خزائن ج۱۱ ص۲۹۳)
حضرت مسیح ایسے خدا کے متواضع اور حلیم اور عاجز اور بے نفس بندے تھے۔
(مقدمہ براہین احمدیہ ص۱۰۴، خزائن ج۱ ص۹۴)
مسیح ایک کامل اور عظیم الشان نبی تھا۔
(حمامتہ البشریٰ ج۱ ص۲۴)
تیسرا تضاد
مرزاقادیانی مسیح (عیسیٰ علیہ السلام) کے معجزے کے متعلق کہتے ہیں۔ ان پرندوں کا پرواز کرنا قرآن مجید سے ہرگز ثابت نہیں ہوتا۔ (ازالہ اوہام ص۳۰۷، خزائن ج۳ ص۲۵۶)
حضرت مسیح کی چڑیاں باوجودیکہ معجزے کے طور پر ان کا پرواز قرآن کریم سے ثابت ہے۔
(آئینہ کمالات اسلام ص۶۸، خزائن ج۵ ص۶۸)
