میں مرزاقادیانی کے کفر کے بہت سے وجوہ بیان کئے ہیں اور مختار مدعا علیہ (مقدمہ بہاولپور) کی جرح کے دندان شکن جواب دئیے۔ جن سے مرزاقادیانی اور ان کے متبعین کا کفر اور ارتداد پہلے سے زیادہ واضح ہوگیا۔
مرزاقادیانی کے ۱۵وجوہات کفر
۱… ایک وجہ ان کے کفر کی یہ ہے کہ دعوائے نبوت تشریعہ وشرعیہ کی جو باتفاق مرزاقادیانی کفر ہے۔ مرزاقادیانی نے اپنے صریح کلام میں دعوائے تشریعی کیا اور اس میں شریعت کی تفسیر بھی کردی۔ اگر ہمارے پاس صرف یہی وجہ ہوتی تو مدعیہ کی کامیابی کافی تھی۔ لیکن اس کے ساتھ اور بھی بہت وجوہ بیان کی گئیں۔
۲… مرزاقادیانی نے اقرار کیا کہ خاتم النبیینؐ کے بعد مطلق نبوت منقطع ہے اور جو دعویٰ کرے وہ کافر ہے اور مرزاقادیانی نے دعویٰ نبوت کیا۔ لہٰذا باقرار خود کافر ہوئے۔
۳… مرزاقادیانی نے یہ بھی کہا کہ خاتم النبیین کے بعد کوئی جدید یا قدیم نبی نہیں آسکتا اور اس کو قرآن کا انکار قرار دیا۔ حالانکہ خود دعویٰ نبوت کیا۔
۴… مرزاقادیانی نے نزول عیسیٰ علیہ السلام کو ختم نبوت کا انکار قرار دے کر اسے کفر ٹھہرایا اور پھر اپنا نبی ہونا (کہ جو اپنے آپ کو عیسیٰ علیہ السلام سے معاذ اﷲ ہر شان میں اعلیٰ اور افضل سمجھتے ہیں) جائز رکھا بلکہ ضروری، لہٰذا مرزاقادیانی کافر ہوئے۔
۵… مرزاقادیانی نے کہا ہے کہ آپ کے بعد کوئی نبی نہیں آسکتا۔ آپ کا خاتم النبیین ہونا ’’انا خاتم النبیین‘‘ اور ’’لا نبی بعدی‘‘ سے ثابت ہے اور پھر اس کے بعد یہ کہا کہ جو ایسا کہے کہ آپ کے بعد نبوت نہیں آسکتی وہ کافر ہے۔ اس وجہ سے بھی مرزاقادیانی کافر ہوئے۔
۶… مرزاقادیانی نے آنحضرتﷺ کے بعد جواز نبوت کو کفر قرار دیا تھا۔ اب مرزاقادیانی اسی نبوت کو فرض وایمان قرار دیتا ہے۔ یہ اس سے بھی بڑھ کر کفر ہوا۔
۷… مرزاقادیانی نے باب نبوت کھول کر اپنے تک محدود نہیں رکھا۔ بلکہ کہتے ہیں کہ یہ دروازہ قیامت تک کھلا رہے گا۔ اس وجہ سے بھی کافر ہوئے۔
۸… مرزاقادیانی نے صرف یہ نہیں کہا کہ آنحضرتﷺ کے بعد کوئی دوسرا نبی آئے گا۔ بلکہ کہتے ہیں کہ ہزار بار آنحضرتﷺ خودبروز فرماویں گے۔ گویا آنحضرتﷺ کے بعد ہزاروں نبی واقع ہوسکتے ہیں۔ امکان ذاتی نہیں بلکہ امکان وقوعی ہے۔ پھر مرزاقادیانی نے یہ کہا کہ آنحضرتﷺ کی ایک بعثت پہلے تھی اور پھر بعثت ثانیہ ہوئی۔ اس کا حاصل تناسخ ہے اور تناسخ کا قائل کافر ہوتا ہے۔
۹… مرزاقادیانی کہتے ہیں کہ میں عین محمد ہوں… اس میں آنحضرتﷺ کی صریح توہین ہے۔ اگر واقعی عین ہیں تو کھلا ہوا کافر ہے اور یہ ایک توہین صدہا توہین اور استہزاء اور تمسخر پر مشتمل ہے اور عین محمد نہیں تو پھر آپ کے بعد دوسرا نبی ہوا اور ختم نبوت کی مہر ٹوٹ گئی اور یہ وجہ کفر کی ہے۔