دونوں حرام
غیر احمدیوں سے ہماری نمازیں الگ کی گئیں ان کو لڑکیاں دینا حرام قرار دیا گیا۔ ان کے جنازے پڑھنے سے روکا گیا۔ اب باقی کیا رہ گیا جو ہم ان (مسلمانوں) کے ساتھ مل کر کر سکتے ہیں؟ دو قسم کے تعلقات ہوتے ہیں۔ ایک دینی، دوسرے دنیوی۔ دینی تعلق کا سب سے بڑا ذریعہ عبادات کا اکٹھا ہونا ہے اور دنیوی تعلق کا بھاری ذریعہ رشتہ وناطہ ہے۔ سو یہ دونوں ہمارے لئے حرام قرار دئیے گئے۔ (کلمتہ الفصل ص۱۶۹)
دعائے مغفرت کی ممانعت
سوال… کیا کسی شخص کی وفات پر جو سلسلۂ احمدیہ میں شامل نہ ہو یہ کہنا جائز ہے کہ خدا مرحوم کو جنت نصیب کرے اور مغفرت کرے؟
جواب… غیر احمدیوں کا کفر بینات سے ہے اور ان کے لئے دعائے مغفرت جائز نہیں۔ (مفتی دارالامان الفضل ج۸ ص۵۹)
اہل بیت کی توہین
حضرت مسیح موعود کو خداتعالیٰ نے بڑی شان دی ہے اور موجودہ سادات کو آپ کی غلامی… بلکہ آپ کی خاک پا کا سرمہ بنانا بھی بہت بڑا فخر ہے… اور ہم یوں کہہ سکتے ہیں کہ جو آپ کی غلامی میں داخل نہ ہوں گے وہ کٹ جائیں گے اور سید نہ رہیں گے۔
(مفتی قادیان نمبر۸ ص۶۱)
سیدنا حضرت علیؓ اور اہل بیت
یہ سوال کہ حضرت علیؓ کیوں نبی نہ ہوئے اور دیگر اہل بیت نے یہ رتبہ کیوں نہ پایا؟ اس کا جواب یہ ہے کہ اگر حضرت علیؓ یا دیگر اہل بیت کامل طور پر آنحضرتﷺ کے علوم اور معارف کے وارث ہوتے۔ (نعوذ باﷲ گویا کامل طور پر علوم ومعارف کے وارث نہیں تھے) اور ضرورت زمانہ بھی متقاضی ہوتی تو ضرور وہ بھی نبوت کا درجہ پاتے۔
(اخبار الفضل قادیان ج۳ ص۱۰۷، مورخہ ۱۸؍اپریل ۱۹۱۶ئ)
حضرت امام حسینؓ کی توہین
امام حسینؓ پر فضیلت کے بارے میں فرمایا کہ ان پر میری فضیلت سن کر یوں ہی غصہ میں آجاتے ہیں۔ قرآن کریم نے کہاں امام حسینؓ کا نام لیا ہے؟ زید ہی کا نام لیا ہے۔ اگر ایسی ہی
