کابل وہ زمین ہے جہاں ہمارے نہایت ہی قیمتی وجود مارے گئے اور ظلم سے مارے گئے اور بے سبب بلا وجہ مارے گئے ہیں۔ پس کابل وہ جگہ ہے جہاں احمدیت کی تبلیغ منع ہے اور اس پر صداقت کے دروازے بند ہیں۔ اس لئے صداقت کے قیام کے لئے گورنمنٹ (برطانیہ) کی فوج میں شامل ہوکر ان ظالمانہ روکوں کو دفع کرنے کے لئے گورنمنٹ (برطانیہ) کی مدد کرنا احمدیوں کا مذہبی فرض ہے۔ پس کوشش کرو تاکہ تمہارے ذریعہ وہ شاخیں پیدا ہوں۔ جن کی حضرت مسیح موعود نے اطلاع دی ہے۔ (اخبار الفضل قادیان ج۶ مورخہ ۲۷؍مئی ۱۹۱۹)
جنگ کابل میں مرزائیوں کی انگریزوں کو معقول امداد
جب کابل کے ساتھ جنگ ہوئی تب بھی ہماری جماعت نے اپنی طاقت سے بڑھ کر مدد دی اور علاوہ اور کئی قسم کی خدمات کے ایک ڈبل کمپنی پیش کی۔ جس کی بھرتی بوجہ جنگ ہو جانے کے رک گئی۔ ورنہ ایک ہزار سے زائد آدمی اس کے لئے نام لکھوا چکے تھے… اور خود ہمارے سلسلہ کے بانی کے چھوٹے صاحبزادے اور ہمارے موجودہ امام کے چھوٹے بھائی نے اپنی خدمات پیش کیں اور چھ ماہ تک ٹرانسپورٹ کور میں آنریری طور پر کام کرتے رہے۔
(الفضل قادیان ج۹ نمبر۱ مورخہ ۴؍جولائی ۱۹۲۱ئ)
عبداللطیف مرزائی کو امیرامان اﷲ خاں نے کیوں قتل کروایا
ہمارے آدمی کابل میں مارے گئے۔ محض اس لئے کہ وہ جہاد کرنے کے مخالف تھے۔ اٹلی کے ایک انجینئر نے جو حکومت افغانستان کا ملازم تھا۔ لکھا ہے امیر امان اﷲ خاں نے صاحبزادہ سید عبداللطیف کو اس لئے مروایا کہ وہ جہاد کے خلاف تعلیم دے کر مسلمانوں کو شیرازہ بکھیرتا تھا۔ پس ہم نے اپنی جانیں قربان کیں کہ انگریزوں کی جانیں بچیں… مگر آج بعض حکام سے ہمیں یہ بدلا ملا کہ ہم سب باغی اور ہمارے ساتھ شورش پسندوں کا سلوک روا رکھا گیا۔
(الفضل قادیان ج۲۲ نمبر۸۸، مورخہ یکم؍نومبر ۱۹۳۴ئ)
حضرات جنگ کابل کا مختصر واقعہ یہ ہے کہ ۱۹۱۹ء میں افغانستان کے ترقی پسند مگر برطانیہ دوست حکمراں حبیب اﷲ خاں کو شہید کردینے کے بعد اس ملک کے قدامت پسندوں نے ان کے بھائی نصر اﷲ خاں کو بادشاہ بنانے کی کوشش کی تھی۔ لیکن امیر شہید کے خلف الرشید امان اﷲ خاں اپنے چچا نصراﷲ خاں کو قید کر کے خود تخت پر متمکن ہوگئے۔ افغانستان کی عنان حکومت ہاتھ میں لینے کے بعد امیر امان اﷲ خاں نے برطانیہ کے خلاف اعلان جہاد کر دیا… اور افغانستان کی فوجیں درۂ خیبر سے گذر کر آزاد سرحدی قبائل میں مل گئیں۔
