عین بیداری میں جو کشفی بیداری کہلاتی ہے یسوع مسیح سے کئی دفعہ ملاقات کی ہے اور اس سے باتیں کرکے اصل دعویٰ اور تعلیم کا حال دریافت کیا ہے۔‘‘ (تحفہ قیصریہ ص۲۱، خزائن ج۱۲ص۲۷۳)
زیارت پنج تن پاک
۴… ’’ایک دن رات کے فرض اور سنتیں ادا کرچکا رتھا کہ میں نے ایک آواز سنی۔ جب قریب آگئے تو میں نے پہچانا کہ یہ پنج تن پاک ہیں۔‘‘
(آئینہ کمالات ص۵۴۹،۵۵۰، خزائن ج۵ ص ایضاً)
یہ سب عالم بیداری کا ذکر ہے۔ رات کے فرض اور سنتیں ادا کرچکے تھے اور غالباً نفل اور وتر باقی ہوں گے۔ کیا دیکھتے ہیں کہ پنج تن زیارت کو چلے آرہے ہیں۔ اور مرزا قادیانی نے انہیں پہچان لیا۔ گویا پہلے سے صورت آشنا تھے۔ خدا کے کیسے کیسے مقبول بندے قبور سے اٹھ کر مرزا قادیانی کی زیارت کو پاپیادہ چلے آتے ہیں۔ آنحضرتﷺ کو بھی مرزا قادیانی نے بارہا دیکھا۔ اور قیاس غالب ہی کہ وہ بھی ان کی زیارت کو آئے ہوں گے۔ کیا شان ہے مرزا قادیانی کی۔ یہ مقام عشق ہے۔ کسی نے سچ کہا ہے:
عاشق کہ شد کہ یار بحا لش نظر نہ کرد
اے خواجہ درد نیست وگر نہ طبیب ہست
اناانزلناہ قریباً من القادیان
۵… ’’جس روز الہام مذکورہ بالا جس میں قادیان میں نازل ہونے کا ذکر ہوا تھا۔ اس روز کشفی طور پر میں نے دیکھا کہ میرے بھائی مرزا غلام قادر میرے قریب بیٹھ کر بآواز بلند قرآن مجید پڑھ رہے ہیں۔ اور پڑھتے پڑھتے انہوں نے ان فقرات کو پڑھا۔ انا انزلناہ قریباً من القادیان! تو میں نے سن کر تعجب کیا کہ کیا قادیان کا نام بھی قرآن مجید میں لکھا ہوا ہے۔ تب میں نے نظر ڈال کر جو دیکھا تو معلوم ہوا کہ فی الحقیقت قرآن مجید کے دائیں صفحہ پر شاید قریب نصف کے موقعہ پر یہی الہامی عبارت لکھی ہوئی موجود ہے۔ تب میں نے اپنے دل میں کہا کہ واقعی طور پر قادیان کا نام قرآن مجید میں درج ہے۔ اور میں نے کہا کہ تین شہروں کے نام اعزاز کے ساتھ قرآن مجید میں درج کئے گئے ہیں۔ مکہ ومدینہ اور قادیان۔‘‘
(ازالہ اوہام ص۷۸، خزائن ج۳ص۱۴۰)
