خلیفہ صاحب: بے شک وہ کلمہ گو ہیں۔ لیکن ہمارا اور ان کا اختلاف فروعی نہیں اصولی ہے۔ مسلم کے لئے توحید پر تمام انبیاء پر ملائکہ پر کتب آسمانی پر ایمان لانا ضروری ہے اور جوان میں سے ایک بھی نبی اﷲ کا منکر ہو جائے۔ وہ کافر ہو جاتا ہے۔ جیسا کہ عیسائی حضرت عیسیٰ علیہ السلام تک تمام انبیاء کو مانتے ہیں۔ لیکن رسول اکرمﷺ کی رسالت کے منکر ہونے کی وجہ سے کافر ہیں۔ اسی طرح قرآن کریم کے مطابق غیر احمدی مرزاقادیانی کی نبوت سے منکر ہوکر کفار میں شامل ہیں۔ اﷲتعالیٰ کی طرف سے ایک مامور آیا جس کو ہم نے مان لیا اور انہوں نے نہ مانا۔
(اخبار الفضل قادیان ج۱۰ نمبر۹۹، مورخہ ۲؍جون ۱۹۲۳ئ)
مرزاقادیانی پر ایمان لانا جزو ایمان ہے
ہمارے نزدیک مسیح موعود علیہ الصلوٰۃ والسلام پر ایمان لانا جزو ایمان ہے۔ کیونکہ آپ کے انکار کو رسول اﷲﷺ کا انکار مستلزم ہے۔ چنانچہ خود حضرت مسیح موعود علیہ الصلوٰۃ والسلام فرماتے ہیں۔ علاوہ اس کے جو مجھے نہیں مانتا وہ خدا اور رسول کو بھی نہیں مانتا۔
(حقیقت الوحی ص۱۶۳، خزائن ج۲۲ ص۱۶۸)
غیر قادیانی کیوں کافر ہیں؟
اس کی وجہ کہ غیراحمدی کیوں کافر ہیں۔ قرآن کریم نے بیان کی ہے۔ وہ اصل جو قرآن کریم نے بتایا ہے اس سب کا انکار یا اس کے کسی ایک حصہ کے نہ ماننے سے کافر ہو جاتا ہے اور وہ یہ ہے کہ اﷲ کا انکار کفر ہے۔
سب نبیوں کا یا نبیوں سے ایک کا انکار کفر ہے۔ ملائکہ کے انکار سے انسان کافر ہوجاتا ہے وغیرہ۔ ہم چونکہ مرزاقادیانی کو نبی مانتے ہیں اور غیراحمدی آپ کو نبی نہیں مانتے۔ اس لئے قرآن کریم کی تعلیم کے مطابق کہ کسی ایک نبی کا انکار کرنے کے وجہ سے بھی ہے غیر احمدی کافر ہیں۔ (الفضل قادیان ج۹ نمبر۱۰۱،۱۰۲، مورخہ ۲۶،۲۹؍جون ۱۹۲۲ئ)
میرے مخالف یہود، نصاریٰ اور مشرک ہیں
آخری زمانہ کے لئے خدا نے مقرر کیا ہوا تھا کہ وہ ایک عام رجعت کا زمانہ ہوگا۔ یہ امت مرحومہ دوسری امتوں سے کسی بات میں کم نہ ہو۔ پس اس نے مجھے پیدا کر کے ہر ایک گذشتہ نبی سے مجھے اس نے تشبیہ دی کہ وہی میرا نام رکھ دیا۔ چنانچہ آدم، ابراہیم، نوح، موسیٰ، داؤد، سلیمان، یوسف، یحییٰ، عیسیٰ (علیہم السلام) وغیرہ یہ تمام نام براہین احمدیہ میں میرے رکھے گئے اور