استعمال نہ کیا جاوے لوگوں کو پتہ نہیں چلتا کہ کون مراد ہے۔ مگر ان کے اسلام کا اس لئے انکار کیاگیا ہے کہ وہ اب خدا کے نزدیک مسلمان نہیں ہیں۔ بلکہ ضرورت ہے کہ ان کو نئے سرے سے مسلمان کیا جاوے۔ (کلمتہ الفضل ج۱۴ ص۱۴۳)
غیراحمدیوں کے لئے لفظ مسلمان
یاد رکھنا چاہئے کہ ہم جہاں غیراحمدیوں کے لئے مسلمان کا لفظ استعمال کرتے ہیں تو اس سے مراد حسب پیش گوئی نبی کریمؐ اسمی ورسمی ہوتی ہے۔ کیونکہ آخر وہ نہ تو ہندو ہیں نہ عیسائی، نہ بدھ۔ کلمہ پڑھتے ہیں اور قرآن شریف پر عمل کے مدعی، ضرور ہے کہ ہم انہیں اسی نام سے پکاریں جس کا وہ اپنے آپ کو مستحق سمجھتے ہیں۔ یہودیوں کے لئے الذین ھادوا قرآن مجید میں آتا ہے اور عیسائیوں کے لئے نصاریٰ اور بعض اوقات عیسائی اور موسائی بھی کہہ لیا جاتا ہے۔ حالانکہ وہ نہ ہدایت یافتہ ہیں نہ حضرت عیسیٰ وموسیٰ کے متبعین۔
(اخبار الفضل قادیان ج۱۲ ص۲۵، مورخہ ۱۱؍اپریل ۱۹۲۵ئ)
جو مجھے نہیں مانتا وہ خدا کو نہیں مانتا
علاوہ اس کے جو مجھے نہیں مانتا وہ خدا اور رسول کو بھی نہیں مانتا۔ کیونکہ میری نسبت خدا اور رسول کی پیش گوئی موجود ہے۔ (حقیقت الوحی ص۱۶۳، خزائن ج۲۲ ص۱۶۸)
میرے سچائی کے لئے تین لاکھ آسمانی نشان
خدا نے میری سچائی کی گواہی کے لئے تین لاکھ سے زیادہ آسمانی نشان ظاہر کئے اور آسمان پر کسوف، خسوف رمضان میں ہوا۔ اب جو شخص خدا اور رسول کے بیان کو نہیں مانتا اور قرآن کی تکذیب کرتا ہے اور عمداً خداتعالیٰ کے نشانوں کو رد کرتا ہے اور مجھ کو باوجود صدہا نشانوں کو مفتری ٹھہراتا ہے۔ وہ مؤمن کیونکر ہوسکتا ہے اور اگر وہ مؤمن ہے تو میں بوجہ افتراء کے کافر ٹھہرا۔ کیونکہ میں ان کی نظر میں مفتری ہوں۔ (حقیقت الوحی ص۱۶۴، خزائن ج۲۲ ص۱۶۸)
جو مجھے قبول نہیں کرتا وہ مسلمان نہیں
خداتعالیٰ نے میرے پر ظاہر کیا ہے کہ ہر ایک وہ شخص جس کو میری دعوت پہنچی ہے اور اس نے مجھے قبول نہیں کیا وہ مسلمان نہیں۔ (الذکر الحکیم ص۲۴نمبر۴، مورخہ ۱۵؍جنوری ۱۹۳۵ئ)
کفر کی دو قسمیں ہیں
کفر دو قسم پر ہے۔ ایک کفریہ کی ایک شخص اسلام ہی سے انکار کرتا ہے اور
