کو ہدیہ ہے اور جہیز جو اپنی اولاد کے ساتھ صلہ رحمی ہے، فی نفسہٖ امرِ مباح بلکہ مستحسن ہے،مگر جس طور سے اس کا رواج ہے اس میں طرح طرح کی خرابیاں ہوگئی ہیں، جن کا خلاصہ یہ ہے کہ نہ اب ہدیہ مقصود رہا، نہ صلہ رحمی، بلکہ ناموری اور شہرت اور پابندیٔ رسم کی نیت سے کیا جاتاہے۔ یہی وجہ ہے کہ ۔َبری اور جہیز دونوں کا اعلان ہوتاہے۔
۔َبری بھی بڑی دھوم دھام اور تکلف سے جاتی ہے اور اس میں اشیاء بھی معیّن ہیں، برتن بھی خاص طرح کے ضروری سمجھے جاتے ہیں، اس کا عام طور پر نظارہ بھی ہوتاہے، موقع بھی معیّن ہوتاہے۔ اگرہدیہ مقصود ہوتا تو کَیْفَ مَا اتَّفَقَ۔1 جب میسر آتا اور جو میسر آتابلا پابندی کسی رسم کے اور بلا اعلان کے محض محبت سے بھیج دیا جاتا۔ اسی طرح جہیز کا اسباب بھی معیّن ہے کہ فلاں فلاں چیز ضروری ہو اور تمام برادری اور بعض جگہ اپنا کنبہ اور گھر والے اس کو دیکھیں اور دن بھی وہی خاص ہو۔ اگر صلہ رحمی کے لیے کوئی شخص قرض کا بار نہیں اُٹھاتا، لیکن ان دونوں رسموں کے پورا کرنے کو اکثر اوقات مقروض بھی ہوتے ہیں، گو سود ہی دینا پڑے اور گو حویلی اور باغ ہی فروخت یا گرو ہوجاوے۔ پس اس میں التزامِ مالا یلزم اور نمایش اور شہرت اور اسراف وغیرہ سب خرابیاں موجود ہیں، اس لیے یہ بطریقِ متعارف فہرستِ ممنوعات میں داخل ہوگیا۔
۸۔ برات سے ایک دن قبل دولہا والوں کا حجام مہندی لے کر اور دلہن والوں کا حجام نوشہ کا جوڑا لے کر اپنے اپنے مقام سے چلتے ہیں اور یہ ’’منڈھے کا دن‘‘ کہلا تاہے۔ دولہا کے یہاں اس تاریخ پر برادری کی عورتیں جمع ہوکر دُلہن کا چولھا تیار کرتی ہیں اور ان کو سلائی میں کھیلیں اور بتاشے دیے جاتے ہیں اور تمام کمینوں کو ایک ایک کام پر ایک ایک پروت دیا جاتا ہے، اس میں بھی وہی التزامِ ما لا یلزم ہے اور نیز عورتوں کی جمعیت جوکہ مبنی مفاسد بے شمار کا ہے۔ ان تقریبات میں عورتیں چند موقعوںپر جمع ہوتی ہیں، چناںچہ کچھ مواقع مذکور ہوچکے ہیں اور کچھ باقی ہیں، آیندہ مذکور ہوں گے۔ اس اجتماع میں جو جو خرابیاں ہیں ان کا شمار نہیں ہے۔ تمثیلاً بعض کا بیان ہوتاہے:
جب برادری میں یہ خبر مشہور ہوئی کہ فلاں گھر فلاں تقریب ہے، ہر ہر بی بی کو نئے جوڑا قیمتی کی فکر ہوتی ہے۔ کبھی خاوند سے فرمایش ہوتی ہے۔ کبھی خود بزاز کو دروازہ پر بلا کر اس سے ادھار لیا جاتاہے یا سودی قرض لے کر اس سے خریدا جاتاہے، شوہر کو اگر وسعت نہیں ہوتی تب بھی اس کا عذر قبول نہیں ہوتا۔ ظاہر ہے کہ یہ جوڑا محض رِیا و تفاخر کے لیے بنتا ہے، تو ایک گناہ تو یہ ہوا، پھر اس غرض سے مال خرچ کرنا اسراف ہے، یہ دوسرا گناہ ہوا۔ خاوند پر اس کی وسعت سے زیادہ بلا ضرورت فرمایش کرنا اس کو ایذا پہنچانا ہے، یہ تیسرا گناہ ہوا۔ بزاز کو بلا کر
بلا ضرورت اس نا محرم سے باتیں کرنا، بلکہ اکثر تھان لینے دینے کے واسطے ہاتھ آدھا آدھا، جس میں چھلے۔ّ چوڑی، مہندی
