۳۔ بعض مجمع میں تمام عورتیں اس مرد کے اعتبار سے نامحرم ہوتی ہیں، ان میں کوئی بھی اس کی بی بی یا ماں نہیں ہوتی، ایک گھر میں مردکا اتنی نامحرم عورتوں کے ساتھ جمع ہونا بلا شک حکمِ شرعی کے خلاف ہے۔ اور یہ موٹی بات ہے کہ جب شر۔ًعا عورتوں کو مسجد میں جانامنع ہے، اس سے معلوم ہوا کہ شریعت کامقصود یہ ہے کہ مردوں اور عورتوں میں مباعدت رہے۔ پس جب عورت کو مردوں کے مجمع میں جانے سے ممانعت ہے، اسی طرح مرد کو عورتوں کے مجمع میں جانے سے اور عورتوں کو اپنے مجمع میں مرد کے بلانے سے کیوں نہ ممانعت ہوگی۔
عورتوں کے لیے یہی مناسب ہے کہ اپنے گھر وں میں الگ الگ تراویح پڑھیں۔ ہاں! کسی کا بھائی بیٹا حافظ ہو اور دوچار بیبیاں گھر کی جمع ہوکر اس کے پیچھے قرآن سن لیں تومضایقہ نہیں۔ بشرطے یہ کہ یہ شخص فرض جماعت کے ساتھ مسجد میں پڑھے اور اگر دوچار میں کوئی پردہ دار ہو تو درمیان میں کوئی دیوار یاپردہ وغیرہ حائل ہو اور عورتوں کے جمع ہونے کا اہتمام نہ کیاجاوے۔
فصلِ ہفتم: من جملہ ان رسوم کے مدارس یا مساجد کے لیے چندہ جمع کرنے کی رسم ہے، اس طرح سے کہ دینے والے مجمع کی شرم سے یا اس مہتمم کے دباؤ یا لحاظ سے دے نکلیں یا نادہندگی و۔ِخست۔ّ کی شہرت کے اندیشہ سے دیتے ہیںاور قرائنِ قویہ سے معلوم ہوجاوے کہ اگر یہ اسباب نہ ہوتے تو یہ شخص نہ دیتا توایسی صورت میں ان ذرائع سے وصول کرنا ہرگز جائز نہیں۔ اس باب میں حدیث بھی مذکور ہوچکی ہے۔ اور امام غزالی ؒ نے اس مسئلہ کی تصریح کردی ہے۔
رہا یہ سوال کہ صاحب! بلا دباؤ توکوئی دیتا نہیں اور یہ کام کرنا ضرور ہے، پھر کیا کریں، یہ بات بالکل ہی پوچ ہے، اوّل تو یہی غلط ہے کہ بلا دباؤ کوئی دیتا نہیں، بہت سے بندگانِ خدا خود تقاضا کرکے دیتے ہیں۔ دوسرے جن اغراض کے لیے اس طرح چندہ لیا جاتاہے وہ اغراض خود شر۔ًعا ضروری نہیں۔ کیوںکہ اکثرمشاہدہ سے معلوم ہوتاہے کہ فضول خرچیوں کے لیے اتنی بڑی رقموں کی حاجت ہوتی ہے۔ اگر رقم کم ہو، مسجد کچی بنالو۔ چھپر۔ّ ڈال لو، نماز کے لیے بہت ہے۔ مدرسہ مختصر بنالو یا کسی کرایہ کے مکان میں رکھ لو یا کسی مسجدمیں بیٹھ جاؤ۔ معقولات کا درس کم کرو۔ قطبی تک پڑھانے والا تھوڑی تنخواہ کا مدرّس کافی ہے۔ فرش و سامان میں تکلف مت کرو۔ غرض جہاں تک اختصار ممکن ہو اختصار کرو۔ اور ضروری ضروری کاموں پر نظر رکھو۔ اگر اتنا بھی حلال طور سے نہ ملے کام بند کردو۔ سب مسلمانوں کا کام ہے، کچھ اکیلے مہتمم کا نہیںہے۔ چلے چلاوے، نہ چلے بند کردے۔ بلکہ دین کاکام دین کے خلاف ہوکر کرنا اور بھی زیادہ برا ہے۔ اور جو کام سرے سے ضروری نہیں، جیسا قحط یا وبا میں مساکین کو کھانا کھلانا وغیرہ، اس کے لیے چندہ کرنا اور بھی زیادہ برا ہے اورمشاہدہ ہوا ہے کہ
