۱۴۴
فصل نہم: دو چار نسخے یاد کرکے علاج شروع کرنا
۱۴۴
فصل دہم: قربانی اور عقیقہ کے گوشت میں حجام وغیرہ کے حق کو ضروری سمجھنا
پہلا باب
ان رسوم میں جن کو اکثر کرنے والے بھی گناہ سمجھتے ہیں، اور اس میں چند فصلیں ہیں:
فصلِ اوّل :من جملہ ان رسوم کے شادی میں ناچ کرانے کی رسم ہے، جس میں یہ قبائح 1 ہیں:
۱۔ نامحرم عورت کو اہلِ مجلس دیکھتے ہیں جو آنکھ کا زنا ہے، اس کے بولنے اور گانے کی آواز سنتے ہیں جو کان کا زنا ہے، اس سے باتیں کرتے ہیں جو زبان کا زنا ہے، اس کی طرف قلب کا میلان2 ہوتاہے جو دل کا زنا ہے، جو زیادہ بے حیا ہیں اس کو ہاتھ بھی لگاتے ہیں جو ہاتھ کا زنا ہے، اس کی طرف چل کر جاتے ہیں جو پاؤں کا زنا ہے، بعض فعلِ بد میں بھی مبتلا ہوجاتے ہیں جو اصل زنا ہے، چناںچہ حدیث شریف میں یہ مضمون صراحۃً3موجود ہے۔4 حدیث میں ہے کہ فرمایا رسولِ مقبول ﷺ نیـ: ’’بہت لوگوں کو مبتلائے عذاب دیکھا، من جملہ ان کے ایک مقام پر دیکھا کہ ایک غار بشکلِ تنور کے ہے جو اوپر سے تنگ ہے اور نیچے سے فراخ ہے، اس میں آگ بھڑک رہی ہے اور اس میں بہت مرد اور عورتیں ننگی ہیں، جس وقت آگ کا شعلہ بلند ہوتاہے اس کے ساتھ وہ سب اوپر کو آجاتے ہیں اور جب وہ شعلہ نیچے جاتا ہے تو اس کے ساتھ وہ سب بھی نیچے چلے جاتے ہیں، آپ نے حضرت جبرئیل ؑ سے پوچھا: یہ کون لوگ ہیں؟ انھوں جواب دیا: ’’یہ زنا کار لوگ ہیں‘‘۔ روایت کیا اس کو بخاری نے۔ 5
اور ایک حدیث میں ہے کہ فرمایا رسولِ مقبول ﷺ نے: ’’لعنت کرے اللہ تعالیٰ بد نگاہ کرنے والے کو اور جس کی طرف بدنگاہ کی جاوے‘‘۔ یعنی جب وہ بھی اس کا ارادہ وقصد کرے۔ روایت کیا اس کو بیہقی نے۔6
