تصوف ایک تعارف |
صوف پر چ |
 |
اجارہ وزراعت وغیرہ ۔اور ان کے جزو دین ہونے کا مطلب یہ نہیں ہے کہ شریعت یہ سکھلاتی ہے کہ کھیتی یوں بویاکرو اور تجارت فلاں فلاں چیز کی کرو ، بلکہ ان میں شریعت یہ بتاتی ہے کہ کسی پر ظلم نہ کرو ، زیادتی نہ کرو اور اس طرح معاملہ نہ کرو جس میں نزاع اور جھگڑے کا اندیشہ ہو، غرض جواز و عدم جواز کا بیان کیا جاتا ہے ۔
چوتھا جز معاشرت ہے ، یعنی اٹھنا بیٹھا ، ملنا جلنا ، مہمان بننا، کسی کے گھر پر جانا کیونکر چاہئے، اس کے کیا آداب ہیں ، بیوی بچوں ، عزیزوں ، اجنبیوں اور نوکروں وغیرہ کے ساتھ کیونکر برتاؤ چاہئے ۔
پانچواں جز تصوف ہے جس کو شریعت میں اصلاح نفس کہتے ہیں ۔ آج کل لوگوں نے یہ سمجھ لیا ہے کہ تصوف کیلئے بیوی بچوں ( اور دوسرے دنیاوی اور معاشرتی امور ) کو چھوڑنا پڑتا ہے ۔ یہ بالکل غلط ہے ، یہ جاہل صوفیوں کا مسئلہ ہے ،جو تصوف کی حقیقت کو نہیں جانتے ۔
غرض دین کے پانچ اجزاء ہیں ، ان پانچوں کے مجموعہ کا نام دین ہے ، اگر کسی میں ایک جزو بھی ان میں سے کم ہو ،تو وہ ناقص دین ہے ۔
(بصائر حکیم الامت ص: ۸۴ بحوالہ وعظ تفصیل الدین )
جس طرح جسم انسانی میں اگر کوئی عضو نہ ہو ، یا ناقص ہو تو ایسا شخص حسن وجمال کے معیار پر پورا نہ اترے گا ۔ اسی طرح اگر کسی شخص کی دین داری مذکورہ پانچ اجزاء میں سے کسی ایک سے خالی ہو تو اس میں نقص کا رہ جانا ناگزیر ہے۔
اصلاح نفس کی اہمیت :
پھر غور کیجئے ، اصلاح نفس یا تصوف جسے دین کا ایک جز بتایا گیا ہے ۔ بلا شبہہ یہ پانچ اجزاء میں سے ایک جز ہی ہے ، مکمل دین نہیں ہے ، لیکن اس میں بھی ذرا تردد نہیں کہ یہ ایسا جز ہے جوباقی اور اجزاء کیلئے تکمیل و تزئین کا سامان ہے ، اگر نفس کی اصلاح نہ ہو اور وہ