رہے رسول کے قدموں میں سر خدا کے لئے
قرآنِ کریم میں وارد ہوا ہے:
قل ان کان اٰباء کم وابناؤکم واخوانکم وازواجکم وعشیرتکم واموال اقترفتموہا وتجارۃ تخشون کسادہا ومساکن ترضونہا احب الیکم من اللہ ورسولہ وجہاد فی سبیلہ فتربصوا حتی یأتی اللہ بامرہ، واللہ لا یہدی القوم الفٰسقین۔ (التوبۃ: ۲۴)
اے نبی صلی اللہ علیہ وسلم! آپ فرمادیجئے کہ اگر تمہارے باپ، تمہارے بیٹے، تمہارے بھائی، تمہاری بیویاں ، تمہارا خاندان، تمہارے وہ مال جو تم نے کمائے، وہ تجارت جس کی کساد بازاری کا تم کو خدشہ واندیشہ ہے، اور تمہارے محبوب رہائشی مکانات، تمہیں اللہ، اس کے پیغمبر اور راہِ خدا میں جہاد سے زیادہ پیارے ہوں ، تو انتظار کرو یہاں تک کہ اللہ اپنا فیصلہ صادر فرمادے اور اللہ نافرمانوں کو بامراد نہیں کرتا۔
وضاحت
سورۂ توبہ کی یہ آیت اہم ترین آیت ہے، اور صاحب کشاف زمخشری کے بقول:
ہٰذہ آیۃ شدیدۃ لا تریٰ اشد منہا۔ (تفسیر الکشاف، جار اللہ زمخشری ۲؍۲۴۹)
ترجمہ: یہ اتنی سخت آیت ہے کہ اس سے زیادہ سخت کوئی اور آیت نہیں ہے۔
آیت کے مضمون کو رسول اللہ صلی اللہ علیہ وسلم کی ایک حدیث میں مختصر لفظوں میں یوں بیان کیا گیا ہے کہ:
