تصوف ایک تعارف |
صوف پر چ |
|
کے صحیح تعارف ، اس کی حقیقت اور اصحاب تصوف کی اہمیت وضرورت پر مشتمل ہو ۔ اس کے لئے میں نے حضرت الاستاذ مولانا اعجاز احمد صاحب اعظمی مدظلہٗ کے پانچ مضامین کا انتخاب کیا ، جو اس سلسلہ میں نہایت اہمیت کے حامل ہیں ۔ ان میں سے پہلا مضمون ’’تصوف کی حقیقت اورتصوف و اصحاب تصوف کی اہمیت وضرورت ‘‘ ہے ۔ یہ مضمون ’’تذکرۂ شیخ ہالیجوی ‘‘…یہ سندھ کے معروف شیخ طریقت ، عارف باﷲ حضرت مولانا حماداﷲ صاحب ہالیجوی کی سوانح حیات ہے …سے لیا گیا ہے ۔ دوسرا مضمون ’’ متاعِ گمشدہ ‘‘ ہے ، جو مجلہ ’’ المآثر‘‘ مئو میں شائع ہوا تھا ، اس میں منکرین تصوف کے ساتھ ساتھ ان حامیان تصوف کا بھی جائزہ لیا گیا ہے جنھوں نے تصوف کے نام پر تصوف کے علاوہ اور بھی کچھ بہت پھیلا رکھا ہے ۔ تیسرا مضمون جو اس سلسلہ کا سب سے اہم اور مفصل مضمون ہے ’’ تصوف کیا ہے ؟ ‘‘ یہ ماہنامہ دارالعلوم کے الاحسان نمبر میں (’’تصوف ایک تعارف ‘‘کے عنوان سے) شائع ہوچکا ہے ، اس کا تفصیلی تعارف اور شان نزول حضرت الاستاذ نے اپنی تمہیدی تحریر میں کردیا ہے۔چوتھا مضمون ’’علماء مظاہر اور تصوف وسلوک‘‘ یہ مضمون ماہنامہ مظاہر علوم کے خاص نمبر کے لئے تحریر کیا گیا تھا ، اور اس میں شائع ہوا۔پانچواں مضمون مجلہ ’’المآثر‘‘ کاایک اداریہ ہے ۔ باری تعالیٰ اس حقیر کاوش کو قبول فرمائیں ،اور مؤلف مدظلہٗ کو اجرِجزیل عطا فرمائیں ،اور ا سے امت کے لئے نافع ومفید بنائیں ۔ آمین ضیاء الحق خیرآبادی مدیر ماہنامہ ضیاء الاسلام مدرس مدرسہ شیخ الاسلام ، شیخو پور ، ضلع اعظم گڈھ ۲۹؍صفر المظفر ۱۴۲۹ھ مطابق ۸؍ مارچ۲۰۰۸ء ٭٭٭٭٭