پڑھنا چاہا تو چہرہ کا رنگ بدل گیا حاضرین نے ان سے کہا کہ آپکو کیا ہوگیا ؟ فرمانے لگے کہ مجھے یہ ڈر ہے کہ لبیک کہوں اور اس لبیک کے قبول نہ ہونے کا جواب آجائے ۔
اور حضرت شریح رحمۃ اللہ علیہ جب احرام میں داخل ہوتے تھے تو ان پر ایک خاموشی طاری ہوجاتی تھی اور غور وفکر وتأمل اور اللہ تعالیٰ شانہ کی عظمت کے مراقبہ کی کیفیت میں چلے جاتے تھے ۔
اقسام احرام: احرام چار طرح کا ہوتا ہے۔ صرف حج کا احرام، اس کو افراد کہتے ہیں۔ صرف عمرہ کا احرام ، اس کو تمتع کہتے ہیں۔ بشرطیکہ یہ احرام حج کے مہینوں میں ہو۔حج اورعمرہ کا ایک ساتھ احرام اس کو قران کہتے ہیں۔ صرف عمرہ کا احرام خواہ ایام حج سےقبل ہویا بعدہو۔
احرام باندھنے کا طریقہ: جس وقت احرام باندھنے کا ارادہ ہو تو اول حجامت بنوالیں، زیر ناف کے بال دور کرلیں، اگر سر منڈوانے کی عادت ہو تو منڈوالیں ورنہ کنگھی سے بال درست کرلیں۔بیوی اگر ساتھ ہو تو صحبت بھی مستحب ہے اس کے بعد احرام کی نیت سے غسل کرلیں اگر کسی وجہ سے غسل نہ کر سکیں تو وضو کر لیں اور سلے ہوئے کپڑے بدن سے نکالیں، ایک لنگی باندھ لیں اور ایک چادر اوڑھ لیں جسم پر خوشبو لگائیں ،لیکن کپڑوں پر خوشبو نہ لگائیں جس کا جسم باقی رہے۔ اس کے بعد دو رکعت نفل احرام کی نیت سے پڑھیں، اول رکعت میں پوری سورۃ الکافرون اور دوسری رکعت میں پور سور ۃ الخلاص پڑھیں۔سالم پھیر کر قبلہ رہ بیٹھ کر سر کھول کر اسی جگہ نیت کریں۔اگر حج کا احرام ہو تو یوں نیت کریں۔اللھم انی ارید الحج فیسره لی و تقبله منی۔