ترجمہ: سوجب تم پورا کرلو اپنے حج کے کاموں کو سو اللہ کو یاد کرو جیسے تم اپنے باپ دادؤں کا ذکر کرتے رہے ہو ، بلکہ اس سے بھی زیادہ بڑھ کر ذکر کرو۔
ربنا آتنا ۔۔ الخ کا ورد رکھنا جیسا کہ اللہ تعالی نے ان حضرات کی تعریف فرمائی جو یہ دعا کر تے ہیں {رَبَّنَا آتِنَا فِي الدُّنْيَا وَمَا لَهُ فِي الْآخِرَةِ مِنْ خَلَاقٍ (200) } [البقرة: 200، 201]
ترجمہ : اور بعض لوگ ایسے ہیں جو کہتے ہیں کہ اے ہمارے رب ہم کو دنیا میں بہتری عطافرمائیے ، اور آخرت میں بہتری عنایت کیجئے ، اور ہم کو دوزخ کے عذاب سے بچائیے ۔
تلبیہ پڑھنا موقوف کردینا
پہلی کنکری کے ساتھ تلبیہ پڑھنا موقوف کردے، مفرد ہو یا متمتع یا قارن سب کے لیے ایک ہی حکم ہے۔ رمی کرتے ہوئے ہر کنکری کے مارنے کے وقت تکبیر کہیں اور دعاء اس طرح پڑھیں۔
بسم اللہ، اللہ اکبر ، رغمًا للشیطان و رضًی للرحمن، اللّھم اجعله حجًا مبرورًا و ذنبًا مغفورًا و سعیًا مشکورًا .
ترجمہ: میں اللہ کا نام لیکر کنکری مارتا ہوں اللہ سب سے بڑا ہے میرا یہ عمل شیطان کو ذلیل کرنے کیلئے اور رحمن کو راضی کرنے کے لیے ہے۔ اے اللہ میرے اس حج کو حج مبرور بنا دے اور میرے گناہوں کو بخشے بخشائے کردے اور میری سعی کی قدردانی فرما(یعنی لائق ثواب بنادے)
