المسک اما أن یحذیک واما أن تبتاع منہ ریحاً طیبة ونافخ الکیر اما أن یحرق ثیابک واما أن تجد منه ریحاً خبیية»’’(رواہ البخاری ومسلم)
ترجمہ: بے شک نیک ساتھی کی مثال اور بُرے ساتھی کی مثال مشک والے اور بھٹی جھونکنے والے کی ہے مشک والا یا تو تمہیں (ہدیہ) دے دیگا یا تم اس سے خرید لو گے یا اس کے پاس سے تم خوشبو پالوگے ، اور بھٹی جھونکنے والا تو تمہارے کپڑے جلادیگا یا تمہیں اسکے پاس سے بدبو محسوس ہوگی ۔
(۹)سفرِحج وعمرہ سےپہلے تمام گناہوں سےسچی توبہ کرنا
توبہ کی چار شرطیں ہیں: (۱) جن گناہوں میں مبتلاء ہے ان کو فوراً چھوڑدے۔ (۲) اس بات کا عزم کرے کہ ان شاء اللہ آئندہ گناہ نہ کروںگا۔ (۳) جو پہلے گناہ ہوگئے ہیں ان پر نادم ہونا۔ (۴) حقوق اللہ اورحقوق العباد جو ذمہ میں ہیں ان کی ادائیگی کا عزم کرنا لازم ہے جو خواتین حج کو آ رہیں ہیں تو ساس بہو میں جو جگڑے ہیں یا ایک دوسرے کو تکلیف پہنچائی ہوئی ہے تو سفر حج میں نکلنے سے پہلے ایک دوسرے سے معافی مانگ لیں اور اپنے دلوں کو صاف کر لیں اور اللہ تعالیٰ لے لیے ایک دوسرے کو معاف کر دیں اللہ تعالیٰ کا ارشاد ہے: فمن عفا و ٲصلح فاجرہ علی اللہ۔
ترجمہ:جوشخص معاف کردے اور صلح کرلے اسکا ثواب اللہ کے ذمےہے۔
حقوق اللہ جیسے کسی کے ذمہ نمازیں قضاء ہیں تو ان کی قضاء پڑھے جس کو قضاء عمری کہا جاتا ہے، جس کے ذمہ رمضان شریف کے روزے باقی ہیں ان کو رکھنے کا عزم کرنا، اور جس کے ذمہ گزشتہ سالوں کی زکاتیں ادا کرنا باقی ہیں ان کی ادائیگی
