اختر تاباں |
ذکرہ عا |
 |
ولادت حضرت والا رحمۃ اللہ علیہ نے ہندوستان کے مردم خیز صوبہ اترپردیش کے ضلع پرتابگڈھ کی ایک چھوٹی سی بستی ’’اٹھیہ‘‘ میں ۱۹۲۳ء میں آنکھیں کھولیں ، آپ کے والد ماجد جناب محمد حسین صاحب سرکاری ملازم تھے، آپ اپنے والد صاحب کے اکلوتے فرزند تھے، آپ کی دو بہنیں تھیں ۔والد صاحبؒ کی حضرت والاؒ سے محبت اکلوتے اور ہونہار ہونے کی وجہ سے آپ والد ماجد کے منظور نظر تھے، آپ کی مجالس میں شرکت کرنے والوں نے بارہا یہ مناظر دیکھے ہیں کہ والد ماجد کی محبتوں اور شفقتوں کا تذکرہ کرتے ہوئے آپ پر گریہ طاری ہوجاتا تھا، ایک موقع پر فرمایا: ’’جب الٰہ آبادطبیہ کالج سے چھٹیوں میں سلطان پور (جہاں والد صاحب بسلسلۂ ملازمت مقیم تھے) جاتا تھا تو ابا ایک مہینہ پہلے ہی سے سرمہ لگاتے تھے؛ تاکہ آنکھوں کی روشنی بڑھ جائے، تو اپنے بیٹے کو اچھی طرح دیکھوں گا (حضرت والا نے روتے ہوئے فرمایا کہ) جب میری ریل اسٹیشن پر پہنچتی تھی تو ابا للچاتی نظروں سے ڈبوں میں دیکھتے تھے کہ میں نظر آجاؤں ، اور ابا کنویں سے ڈول میں پانی بھرکے مجھے خود نہلاتے تھے، حالاں کہ میں بڑا ہوگیا تھا، کالج میں طب پڑھ رہا تھا، مگر باپ کی محبت ایسی تھی (بہت گریہ کے ساتھ فرمایا) (پردیس میں تذکرۂ وطن ۴۰۳-۴۰۴)تعلیم اور ابتدائی دور کے حالات عہد طفولیت ہی سے حضرت پر تدین وصلاح؛ بلکہ جذب کے آثار نمایاں تھے، بچپن