کیونکہ یہ رسول انور صلی اللہ علیہ وسلم کا شہر مبارک ہے ۔ اس شہر سے قلبی تعلق مزید بڑھ جائے ۔ اور یہاں کے آداب بھی ملحوظ رکھے جائیں اور یہاں کے حرم سے متعلق احکامات بھی معلوم ہو جائیں ۔ اس سلسلہ میں اس رسالہ کو مرتب کیا گیا ہے۔ اور اس کتاب یعنی تحفۂ حرمین شریفین میں شامل کیا گیا ہے ۔ تاکہ زائرین ِحرم مدینہ اس رسالہ کو پڑھ کر خوب بحرور ہو ں اور ان کی خوشی کی انتہانہ رہے کہ ہم ایسے مبارک شہر میں حاضر ہوئے ہیں ۔ اور ان کو یہاں کی حاضری میں ایمان کی تازگی محسوس ہو ۔ اللہ رب العالمین کے سامنے سجدہ میں گر جائیں کہ اے اللہ آپ کا بے انتہاء فضل وکرم و احسان ہے کہ آپ نے مجھ جیسے بندہ نالائق کو ایسی پاک جگہ پہونچا دیا۔ یارب لک الحمد و لک الشکر کما ینبغی لجلال وجهک و عظیم سلطانک ۔
ساتواں رسالہ حج کے پانچ دن یہ بندہ کے والد ماجد حضرت مولانا مفتی عاشق الہی بلند شہری مہاجر مدنی کی کتاب کتاب الحج سے ماخوذ ہے ۔ حجاج کرام کی آسانی کے لئے اس رسالہ کو تحفۂ حرمین شریفین میں شامل کیا گیا ہے ۔ تاکہ حجاجِ کرام اس رسالہ کو مطالعہ کر کے صحیح معنی میں حج ادا کر لیں ۔
اللهم اجعل اعمالنا خالصة لوجهك الكريم و لا تجعل فيها لغيرك شيئا .ربنا تقبل منا إنك أنت السميع العليم و تب علينا إنك أنت التواب الرحيم . وصلى الله على نبينا محمد وآله وصحبه وبارك وسلم.
الفقیر الیٰ رحمة مولاه الغني عبدالرحمن کوثرعفاالله عنه وعافاه
ابن حضرت مولانا مفتی محمد عاشق الٰهي صاحب نورالله مرقدہ