عرض مرتب
بسم اللہ الرحمن الرحیم
الحمد للہ وکفیٰ وسلام علیٰ عبادہ الذین اصطفیٰ
اما بعدُ! تخصص فی الفقہ الاسلامی سے فراغت کے بعد جامعہ فاروقیہ کراچی میں ہی حضرت شیخ الحدیث مولانا سلیم اللہ خان صاحب زید مجدہم کی سرپرستی میں تدریس اور حضرت
زید مجدہم کی تقریرِ بخاری الموسوم بہ ’’کشف الباری عمّا فی صحیح البخاری‘‘پر کام کرنے کی سعادت نصیب ہوئی، الحمد للہ ذالک
اس دورانیے میں مختلف مدارس سے جاری ہونے والے رسائل و جرائد کے لیے مضامین لکھنے کا سلسہ جاری رہا، جن میں سے بیشتر تو جامعہ فاروقیہ سے جاری ہونے والے ’’ماہنامہ الفاروق‘‘ میں شائع ہوتے رہے، اس کے علاوہ ماہنامہ دارالعلوم دیو بند، بینات، الاحسن، الخیر، الحق، ماہنامہ دارالعلوم کبیر والہ، المباحث الاسلامیہ بنوں اور روزنامہ اسلام میں بھی شائع ہوتے ہیں ۔
انہی مضامین میں سے ایک طویل مضمون ’’نومولود سے متعلق شرعی احکام ‘‘ کے نام سے ماہنامہ الفاروق میں چار قسطوں (شوال ۱۴۳۳ھ تا محرم ۱۴۳۴ھ)میں شائع ہوا۔
اس مضمون میں بچوں سے متعلق وہ ضروری ظاہری احکام جو اُن کے والدین یا سرپرستوں پر لازم ہوتے ہیں (مثلاً:بچے کے کان میں اذان دینا، تحنیک کرنا، نام رکھنا، عقیقہ کرنا، بالوں کے وزن کے بقدر چاندی صدقہ کرنا، ختنہ کرنااوراس کے علاوہ ان مسائل سے قبل نکاح کے مقاصد و فوائد، خاندانی منصوبہ بندی، اسقاطِ حمل کے مسائل بھی ) تفصیل سے حوالوں کے ساتھ بیان کیے گیے ہیں ، اگرچہ عامۃ الناس کو تو عربی عبارتوں یا حوالوں کی ضرورت نہیں ہوتی، لیکن طلباء اور علماء کی سہولت اور اطمینان کی خاطر ہر ہر مسئلہ کا حوالہ بھی ذکرکر دیا گیا ہے،مزید برآں مذکورہ مضمون میں کچھ دیگر اہم مسائل ،مثلاً: ’’بچوں کے پیشاب کا حکم اور اس کی طہارت کا
