تقریظ
یادگارِاَسلاف،استاذ المحدثین، شیخ الحدیث
حضرت اقدس مولانا سلیم اللہ خان صاحب اطال اللہ فیوضہم علینا
صدرِ وفاق المدارس العربیہ، مہتمم جامعہ فاروقیہ کراچی
بسم اللہ الرحمن الرحیم
الحمد للہ وکفیٰ وسلام علیٰ عبادہ الذین اصطفیٰ
وبعدُ !اسلام کامل و مکمل دین ہے اور بزرگ و برترکے یہاں اس کے علاوہ کوئی دین قابلِ قبول نہیں ہے۔اسلام کی عقائد،عبادات، معاملات، اخلاق اور معاشرتی امور کے لیے واضح اور مفید ہدایات موجود ہیں ۔ اسلام کی جامعیت یہ ایسی ممتاز اورنمایاں خوبی ہے، جو کسی بھی دوسرے دین کو نصیب نہیں ہے۔
جامعہ فاروقیہ کراچی کے استاذ اور شعبہ تصنیف و تالیف کے رکن مولانا مفتی محمد راشد صاحب حفظہ اللہ نے ’’نومولود کے احکام‘‘ پر یہ رسالہ تالیف کیا ہے، اور موضوع سے متعلق بہت مفید مواد جمع کیا ہے۔
اللہ تعالیٰ سے دعا ہے کہ وہ اس رسالے کو حسن ِ قبولِ عطا فرمائیں اور مؤلف ِ موصوف کے لئے بطورِ صدقہ جاریہ منظور فرمائیں ، آمین ثم آمین
سلیم اللہ خان
جامعہ فاروقیہ کراچی
۲۶ ؍ صفر ۱۴۳۴ھ
9 ؍ جنوری 2013ء