ہیں اس لئے علامات دیکھ کر اطلاع دینے سے آیت پر اشکال نہیں ہونا چاہئے آیت آج بھی اپنے معنی میں زندہ جاوید اور سدا بہار ہے۔
ہر پھول پھل کا جوڑا جوڑا پیدا کیا
سائنسی تحقیق یہ ہے کہ تمام جانور اور تمام پھول پھل میں اللہ نے مذکر اور مونث پیدا کیا ہے، جانوروں میں مذکر ومونث نرمادہ ہونا تو سبھی جانتے ہیں لیکن یہ حیرت انگیز انکشاف ہے کہ تمام پھول اور پھل میں بھی نر مادہ پیدا کیا ہے اور مادہ پھول نر پھول سے منی حاصل کرنے کے بعد حاملہ ہوتی ہے اور پھر پھل دیتی ہے، اگر نرپھول سے منی حاصل نہ کرے تو یاتو پھل آئے گا ہی نہیں یا پھل تو آئے گا مگر کمزور اور ہلکا قسم کا پھل آئے گا۔
بعض درخت ایسے ہیں جن میں نر اور مادہ درخت کا صاف صاف پتہ چلتا ہے جیسے کھجور کا درخت تاڑ کا درخت، پپیتے کا درخت ان میں نر درخت بالکل علیحدہ ہوتا ہے اور مادہ درخت بالکل علیحدہ ہوتا ہے، بعض درخت ایسے ہوتے ہیں کہ ان میں نر اور مادہ درخت الگ الگ نہیں ہوتے بل کہ ایک ہی درخت میں دونوں قسم کے پھول ہوتے ہیں نر بھی اور مادہ بھی، نر پھول کی منی کبھی ہواؤں کے ذریعے کبھی شہد کی مکھیوں کے ذریعے، کبھی بلبل کے ذریعے کبھی پانی کے ذریعے، کبھی ہوا کے جھونکوں میں ایک پھول دوسرے پھول سے ملنے کے ذریعے مادہ پھول میں پہنچ جاتی ہے اور اس سے مادہ پھول حاملہ ہوجاتی ہے اور مادہ پھول حاملہ ہوجاتی ہے پھر پھل دیتی ہے، اکثر درخت اور نباتاتوں میں نر پھول اور مادہ پھول کا پتہ نہیں چلتا تھا اور یہ بھی پتہ نہیں تھا کہ مادہ پھول نر پھول سے حاملہ ہوتی ہے لیکن خردبین کی تحقیقات نے یہ انکشاف یقینی بنادیا۔
اسی نقطے کی طرف اشارہ کرتے ہوئے خالق کائنات نے فرمایا۔ ومن کل الثمرات جعل فیھا زوجین اثنین (سورۃ الرعد ۱۳ آیت ۳) ترجمہ : اور ہر پھل کی دودو قسمیں بنادیں دوسری جگہ ہے سُبْحٰنَ الَّذیْ خَلَقَ الاَزْوَاجَ کُلَّھَا مِمَّا تُنْبِتُ الْاَرْضُ وَمِنْ اَنْفُسِھِمْ وَمِمَّا لاَیَعْلَمُوْنَ (سورۃ یٰسین ۳۶ آیت ۳۶) ترجمہ: پاک ہے وہ ذات جس نے تمام جوڑوں کو پیدا کیا نباتات زمین کے قبیل سے بھی اور ان شخصوں میں سے بھی اور ان چیزوں میں بھی جن کو عام لوگ نہیں جانتے ان آیتوں میں ذکر کیا گیا ہے کہ حیوانوں کو پھول پھل کو جوڑا جوڑا یعنی نر مادہ پیدا