وآثار کے درمیان اس طرح مناسبت کو بیان فرمایا ہے کہ پوری کتاب انتہائی مرتب نظر آتی ہے اور ہر باب میں امام موصوف کی باریک بینی ودقتِ نظر اور استنباط واستخراج کا پورا منظر آنکھوں کے سامنے آجاتا ہے۔ اس کی جلد اول ٹائپ اور لیتھو دونوں پر طبع ہوچکی ہے۔ قیمت مطبوعہ لیتھو ایک روپپہ پچاس پیسے، قیمت مطبوعہ ٹائپ چھ روپے۔
ملنے کا پتہ: کتب خانہ یحیوی متصل مظاہر علوم سہارن پور۔
اردو تصانیف حضرت شیخ الحدیث صاحب دامت برکاتہم
خصائلِ نبوی اردو ترجمہ شمائلِ ترمذی:
چوں کہ حضور اقدس ﷺ کے اخلاقِ حسنہ اور عاداتِ شریفہ کی خود حق سبحانہ وتقدس نے تعریف فرمائی ہے، اس لیے حضور ﷺ کے اخلاق وعادات میں حدیث کی مشہور ومعروف کتاب ’’شمائلِ ترمذی‘‘ کا اردو ترجمہ حضرت شیخ الحدیث صاحب مدظلہ العالی نے بڑے دلچسپ انداز میں فرمایا ہے۔ قیمت چھ روپے۔
فضائلِ قرآن:
جس میں قرآن پاک کے فضائل میں چالیس احادیث مع ترجمہ وشرح، اس کے بعد سات احادیث متفرق احکامِ قرآن میں اور بعد میں ایک چہل حدیث نہایت مختصر ایک صفحہ کی تحریر کی گئی ہے، تاکہ اس مختصر حدیث کو یاد کرنے سے چہل حدیث کے حفظ کرنے کے فضائل آسانی سے حاصل ہوجائیں۔ قیمت پچھتر پیسے۔
حکایاتِ صحابہ ؓ:
جو حضرت مولانا عبدالقادر صاحب نور اللہ مرقدہ رائے پوری کے تعمیلِ ارشاد میں لکھی گئی ہے۔ اس میں صحابی مردوں، صحابی عورتوں اور بچوں کے زہد وتقوی، فقر وعبادت، علمی مشاغل، ایثار وہمدردی، بے مثل جرأت وبہادری، حیرت انگیز جاں نثاری وغیرہ وغیرہ کے ایمان افروز حالات درج ہیں۔ اس میں بارہ باب ہیں:
باب اول: دین کی خاطر سختیوں کے برداشت کرنے میں۔