اس گلی کوچے کے ذرات درخشاں کو سلام
نگہ سرور کونینؐ پڑی ہے جن پر
جادہ و منزل و کہسار و بیاباں کو سلام
اک نظر کوہ احد پر مری خاطر پہلے
پھر اسی وادی فردوس بیاباں کو سلام
محو آرام ہیں جس خاک پہ اصحابؓ احد
ایک مہجور کا اس گنج شہیداں کو سلام
جس میں خلد در آغوش قبا کی مسجد
اس خیاباں کو سلام‘ اس چمنستاں کو سلام
رنگ و نکہت پہ شمیم چمن خلد نثار
غنچہ و لالہ و گل، سنبل و ریحاں کو سلام
جس میں ہر لحظہ مہکتی ہے نسیم رحمت
اس گلستاں کو سلام، اہل گلستاں کو سلام
ساز دل گونج اٹھا کیف نوا سنجی سے
چمن طیبہ کے مرغان خوش الحاں کو سلام
جن کے صدقے میں خلش ہوتی ہے اب تک دل میں
سنگریزوں کو اور ان خار مغیلاں کو سلام
کیف ومستی میں فراموش نہ ہو جائے کہیں
قافلے والوں کو اور ان کے حدی خواں کو سلام
مست و سرشار نظر آئیں جو کچھ ناقہ سوار
ان کے بکھرے ہوئے گیسوئے پریشاں کو سلام
پا پیادہ جو ملے راہ میں دیوانۂ شوق
اس غریب الوطن و بے سر و ساماں کو سلام
غازئہ خاک رہ شوق ہو جس کے رخ پر
اس کے ذوق طلب و رنگ پریشاں کو سلام
جس جگہ کرتے ہیں حجاج پہنچ کر منزل
ان مقامات کو ان کوہ و بیاباں کو سلام
نعت پڑھتا ہوا مل جائے جو کوئی یمنی
غائبانہ مرا اس مست و غزل خواں کو سلام
ان کی رحمت سے میسر ہوں وہ دن کاش حمید
خود کریں عرض شہنشاہ رسولاںؐ کو سلام
bbbbb
حجاج کرام کے لیے حرمین شریفین میں روز مرہ کے لیے عربی بول چال کے چند ضروری الفاظ