١ لان احرام الراکب انعقد مجوزا للرکوع والسجود لقدرتہ علی النزول فاذا اتی بہما صح
باندھا اور ایک رکعت پڑھ کر اب سواری پر سوار ہو کر نفل پوری کر نا چاہتا ہے تو نہیں کر سکتا ۔
وجہ : (١) اسکی وجہ یہ ہے کہ سواری پر تحریمہ باندھا تو اپنے اوپر لازم کیا کہ رکوع سجدے کا اشارہ کرے گا اور ہو سکے گا تو پورا رکوع اور سجدہ بھی کرے گا ، تو گویا کہ اشارہ کر کے اور باضابطہ رکوع اور سجدہ کرے گادو نوں کا تحریمہ باندھا ہے۔ اسلئے سواری پر بھی نفل پڑھے اور نیچے اتر کر بھی بناء کرسکتا ہے (٢) دوسری وجہ یہ ہے کہ سواری پر رکوع اور سجدے کا اشارہ کرے گا اورقیام بھی نہیںکر سکے گا اسلئے سواری پر نماز کمزور ہے اور نیچے اترے گا رکوع اور سجدے کا اتمام کرے گا اور قیام بھی کرے گا اسلئے نیچے اتر نے میں تحریمہ قوی ہے ، اسلئے ضعیف کی بناء قوی پر ہو سکتی ہے ، اسلئے بھی سواری سے اتر کر بناء کر سکتا ہے ،(٣) تیسری وجہ یہ ہے کہ سواری سے نیچے اتر نے میںعمل کثیر نہیںہے اسلئے بھی بناء کر سکتا ہے ۔
اصول : ضعیف کی بنا ء قوی پر ہو سکتی ہے ۔ لیکن قوی کی بناء ضعیف پر نہیں ہو سکتی ہے ۔
اور زمین پر تحریمہ باندھا اور ایک رکعت پڑھ چکا ہے اب سواری پر چڑھ کر بناء کر نا چاہے تو نہیںکر سکتا ۔ اسکی وجہ یہ ہے (١)جب زمین پرتحریمہ باندھا تو اس بات کا التزام کیا کہ رکوع سجدے کا اتمام کرے گا اشارے کے ساتھ نہیں اداء کرے گا ،اور قیام بھی کرے گا ، اب سواری پر سوار ہو کر بناء کرے گا تو رکوع سجدے کا اشارہ کرے گا اور قیام بھی نہیں کر سکے گا تو اکمل شروع کر کے اضعف سے پورا کرنا چاہتا ہے اسلئے اضعف کی بناء اقوی پر نہیں کر سکے گا ۔ (٢)دوسری وجہ یہ ہے کہ سواری پر سوار ہو تے وقت عمل کثیر ہو گا جس سے تحریمہ باطل ہو نے کا خطرہ ہے اسلئے بھی زمین سے شروع کر کے سواری پر بناء نہیں کر سکتا ۔ (٣) اور تیسری وجہ یہ ہے کہ زمین پر تحریمہ باندھا تو اکمل کا تحریمہ باندھا ، اضعف کا نہیں باندھا ، اسلئے اکمل کا تحریمہ باندھ کر اضعف اداء نہیں کر سکتا اسلئے کہ اسکا تحریمہ ہی نہیں باندھا ہے ۔
ترجمہ: ١ اسلئے کہ سوار ہو نے والے کا تحریمہ رکوع اور سجدے کو جائز کر نے والا منعقد ہوا ہے اتر نے پر قدرت ہو نے کی وجہ سے پس جبکہ اتر کر اسکو اداء کیا تو صحیح ہے ۔
تشریح : ۔ مجوزا للرکوع و السجود : کا مطلب یہ ہے کہ رکوع اورسجدہ جائز ہیں یعنی رکوع سجدے کا اشارہ کر نا بھی جائز ہے اور رکوع سجدے کا اتمام یعنی پورا رکوع سجدہ بھی جائزہیں ۔ پوری عبارت کا مطلب یہ ہے کہ سوار ہو نے والے کا تحریمہ رکوع سجدے کے اشارے کے لئے بھی منعقد ہوا ہے اور رکوع اور سجدے کے اتمام کے لئے بھی منعقد ہوا ہے اسلئے سواری پر اشارے سے بھی اداء کر سکتا ہے اور اتر کر اتمام بھی کر سکتا ہے ، اور دونوں کر لیا تو بناء کر نا صحیح ہے ۔
