عطاء بن ابی رباح قال : قلت لابن عباس : أقصر الی عرفة فقال : لا ، قلت ُ : أقصر الی مر قال: لا ، قلتُ أقصر الی الطائف و الی عسفان قال : نعم ، و ذالک ثمانیة و أربعون میلا و عقد بیدہ ۔ ( مصنف ابن ابی شیبہ ، باب ٧٣٤۔ فی مسیر ة کم یقصر الصلوة ، ج ثانی ، ص ٢٠٤ ، نمبر٨١٣٨) اس اثر میں ہے کہ ٤٨ میل ہو تو مسافر بنے گا ۔ (٣) موسوعة امام شافعی کے حاشیہ میں ہے کہ ایک برد 22176 میٹر کا ہو تا ہے ۔ اور یہ بھی لکھا ہے کہ 81 کیلو میٹر کے سفر میں قصر ہو گا ۔ موسوعة امام شافعی ، باب السفر الذی تقصر فی مثلہ الصلوہ بلا خوف ، ج ثانی ، ص ١٩، نمبر ١٨٩٥) یہ وہی حساب ہے جو آگے پیش کیا جا رہا ہے ۔
اور ایک فرسخ تین میل کا ہوتا ہے۔اور ایک میل شرعی چار ہزار ہاتھ کا۔جس کا مطلب یہ ہوا کہ دو ہزار گز کا میل ہوا ۔اس کی دلیل در مختار کی یہ عبارت ہے۔الفرسخ : ثلاثة امیال والمیل : اربعة آلاف ذراع (رد المحتار علی در المختار،باب صلوة المسافر ،ج ثانی ، ص ٧٢٥) اس عبارت سے معلوم ہوا کہ فرسخ تین میل کا ہوتا ہے ۔اور ایک میل شرعی 4000 ہاتھ کا ہو تا ہے ۔ اور دو ہاتھ کا ایک گز ہو تا ہے ، اس حساب سے 2000 ] دو ہزار گز [کا ایک شرعی میل ہوا۔اب بارہ فرسخ کو تین میل سے ضرب دیں تو 48 میل شرعی ہوئے۔
(میل شرعی،میل انگریزی اور کیلو میٹر میں فرق )
انگریزی میل شرعی میل سے 1.13636چھوٹا ہوتا ہے۔کیونکہ میل انگریزی 1760گز کا ہوتا ہے.اور شرعی میل 2000 گز کا ہو تا ہے ۔اور کیلو میٹر شرعی میل سے 1.828 چھوٹا ہوتا ہے۔ اس لئے کہ کیلو میٹر صرف 1093.61گز کا ہوتا ہے۔ اور کیلو میٹر انگریزی میل سے 1.6092 فیصد چھوٹا ہوتا ہے۔ اس حساب سے 48 میل شرعی 54.545 میل انگریزی ہوگا۔اور 87.782 کیلومیٹر ہوگا۔جس پر قصر نماز کا حکم لگایا جا سکے گا۔کلکیولیٹر سے حساب کرلیں۔
(شرعی میل ، انگریزی میل، اور کیلو میٹر کا فرق )
کون کتنا ہوتا ہے۔
ایک گز ............................ 0.914399 میٹر ............ کا ہوتا ہے۔
ایک میٹر ......................... 1.0936143 گز .......... کا ہوتا ہے۔