( باب الشہید )
(٧٣٧)الشہید من قتلہ المشرکون اووجد فی المعرکة وبہ اثر وقتلہ المسلمون ظلما ولم یجب بقتلہ دیة فیکفن ویصلی علیہ ولایغسل) ١ لانہ فی معنی شہداء احد۔
( باب الشہید )
ضروری نوٹ: شہید کا تذکرہ اس آیت میں ہے ۔ و لا تقولوا لمن یقتل فی سبیل اللہ اموات بل أحیاء و لکن لا تشعرون (آیت ١٥٤، سورة البقرة ٢) اس آیت میں شہید کا تذکرہ ہے ۔ اس شہید کو غسل نہیں دیا جائے گا جو شہدائے احد کی طرح ہو۔یعنی کافروں نے ظلما قتل کیا ہو یا کافروں سے جنگ میں زخم لگنے کے بعد دنیا سے کوئی فائدہ نہ اٹھایا ہو اور انتقال ہو گیا ہو۔یا کسی مسلمان نے ہی قتل کیا ہو لیکن اس کے قتل کی وجہ سے دیت،یا عوض مالی یا کوئی معاوضہ بھی نہ لیا جا سکا ہو تاکہ مکمل مظلوم ہو کر مرے۔ایسا شہید کامل شہید ہے۔اس کے یہ احکام ہیں جو آگے آرہے ہیں۔
ترجمہ: (٧٣٧) شہید (کامل) وہ ہے (١) جس کو مشرکین نے قتل کیا ہو(٢) یا میدان جنگ میں پایا گیا ہو اور اس پر زخم کا اثر ہو (٣) یا مسلمان نے ظلما قتل کیا ہو اور اس کے قتل کی وجہ سے کوئی دیت لازم نہ ہوئی ہو ۔تو اس کو کفن دیا جا ئے گا اور اس پر نماز پڑھی جا ئے گی اورغسل نہیں دیا جائے گا ۔
ترجمہ: ١ اس لئے کہ وہ شہداء احد کے معنی میں ہے ۔
تشریح: یہاں شہید کی تین تعریفیں ہیں یا تین قسمیں ہیں جو کامل شہید شمار کئے جاتے ہیں۔ ]١[پہلا یہ ہے کہ مشرک نے اس کو قتل کیا ہو۔]٢[دوسری شکل یہ ہے کہ مشرک نے مکمل قتل تو نہ کیا ہو لیکن میدان جنگ میں زخمی پایا گیا ہو پھر دنیا سے فائدہ اٹھائے بغیر انتقال ہو گیا ہو۔میدان جنگ میں پایا جانا دلیل ہے کہ اس کو کفار نے قتل کیا ہے۔]٣[تیسری شکل یہ ہے کہ قتل تو مسلمان نے ہی کیا ہے لیکن قتل اس انداز سے کیا ہے کہ اس کی وجہ سے دیت اور مال لازم نہیں آتا ہے بلکہ قصاص لازم آتا ہے۔ اگر دیت اور مال لازم آتا تو دیت لینے کی وجہ سے ظلم میں کمی واقع ہو گئی اس لئے مکمل مظلوم نہیں رہا اور نہ مکمل شہید ہوا اس لئے اس کو غسل دیا جائے گا۔ لیکن اگر دیت لازم نہیں ہوئی ہو تو مال نہ لینے کی وجہ سے مکمل مظلوم ہوا ۔اس لئے اب وہ شہدائے احد کے درجہ میں ہوا اس لئے اس کو غسل نہیں جائیگا۔
وجہ: کفن دیا جائے گااور غسل نہیں دیا جائے گا اس کی دلیل یہ حدیث ہے ۔(١)عن جابر قال النبی ۖ ادفنوھم فی دمائھم یعنی یوم احد ولم یغسلھم۔ ( بخاری شریف، باب من لم یر غسل الشہید ص ١٧٩ نمبر ١٣٤٦ ابو داؤد شریف ، باب فی الشہید یغسل ج ثانی ص ٩١ نمبر ٣١٣٥) اس حدیث سے معلوم ہوا کہ شہید کو غسل نہیں دیا جائے گا۔ اسی کے کپڑے کے ساتھ کفن دیکر
