٢ واحرام النازل انعقد لوجوب الرکوع والسجود فلا یقدر علیٰ ترک مالزمہ من غیر عذر
٣ وعن ابی یوسف انہ یستقبل اذا نزل ایضًا۔ ٤ وکذا عن محمد اذا نزل بعد ماصلی رکعة والاصح ہو الظاہر۔
ترجمہ: ٢ احرام النازل انعقد لوجوب الرکوع و السجود : کا مطلب یہ ہے کہ رکوع سجدہ واجب منعقد ہو ئے ہیں ، یعنی رکوع بھی پورا کر نا ہے اور سجدہ بھی پورا کر نا ہے اشارہ کر نا کافی نہیں۔ پوری عبارت کا مطلب یہ ہے کہ زمین پر جو تحریمہ باندھا ہے تو وہ تحریمہ پورا رکوع سجدہ اداء کر نے کے لئے منعقد ہوا ہے اسلئے جو اس نے لازم کیا ہے بغیر بیماری کے عذر کے اسکو چھوڑ نہیں سکتا ۔ اسلئے سواری پر سوار ہو کر اس پر بناء نہیں کر سکتا ۔
ترجمہ: ٣ امام ابو یوسف کی ایک روایت یہ ہے کہ جب سواری سے اترے تب بھی شروع سے نماز پڑھے ۔
تشریح : امام ابو یوسف فر ماتے ہیں کہ سواری پر نفل کی نیت باندھی تو سواری سے اتر کر بناء کر نا چاہے تو بناء نہیں کر سکتا۔ اسکی وجہ یہ فر ماتے ہیں کہ سواری پر نفل کمزور ہے کیونکہ اشارے سے رکوع سجدہ اداء کرے گا اور زمین پر نفل قوی ہے کیو نکہ پورا رکوع سجدہ کرے گا ، اور قوی کی بناء ضعیف پر نہیں ہو تی ، جیسے کوئی بیمار آدمی لیٹ کر اشارے سے نماز پڑھ رہا ہو اسکو درمیان نماز میں قوت ہو جائے اور رکوع سجدہ پو را کر نے پر قدرت ہو جائے تو یہ پہلے پر بناء نہیں کر سکتا ہے بلکہ شروع سے نماز پڑھے اسلئے کہ قوی کی بناء ضعیف پر ہے ، اسی طرح یہاں قوی کی بناء ضعیف پر ہے اسلئے زمین پر اتر نے کے بعد سواری کی نفل پر بناء نہیں کر سکتا ۔
ترجمہ: ٤ ایسے ہی امام محمد سے روایت ہے کہ اگر ایک رکعت پڑھنے کے بعد اترے تو بناء کر نا جائز نہیں ، لیکن صحیح ظاہر روایت ہی ہے ۔
تشریح : امام محمد سے روایت یہ ہے کہ اگر نفل کی ایک رکعت سواری پر پڑھ چکا ہے اسکے بعد سواری سے اتر کر زمین پر بناء کر نا چاہے تو بناء نہیں کر سکتا ۔ اور ایک رکعت پڑھنے سے پہلے بناء کر نا چاہے تو بناء کر سکتا ہے ۔ اسکی وجہ یہ ہے کہ ایک رکعت پوری کر نے سے پہلے صرف تحریمہ ہے اور تحریمہ کمزور نماز کے لئے بھی ہو تا اور قوی نماز کے لئے بھی ہو تا ہے اسلئے کمزور نماز کا تحریمہ باندھ کر قوی نماز پڑھ سکتا ہے ، اور ایک رکعت پڑھنے کے بعد وہ صرف تحریمہ باقی نہیں رہا بلکہ نماز ہو گئی اور یہ ضعیف نماز ہے ،اور اوپر گزرا کہ ضعیف نماز پر قوی نماز کی بناء نہیں کر سکتا اسلئے ایک رکعت کے بعد سواری سے اترا تو اب سواری والی نماز پر بناء نہیں کر سکتا ۔۔ صاحب ھدایہ فر ماتے ہیں کہ ظاہر روایت جو گزری کہ سواری پر نفل پڑھنے والا نیچے اتر کر بناء کر سکتا ہے اور نیچے والا سواری پر چڑھنے کے بعد بناء نہیں کر سکتا یہی روایت صحیح ہے ۔