( باب صلوة العیدین )
(٦٣٥) وتجب صلوٰة العید علیٰ کل من تجب علیہ صلوٰة الجمعة)
( باب صلوة العیدین )
ضروری نوٹ: عید کی نماز واجب ہے۔زمانۂ جاہلیت میں لوگ عید مناتے تھے۔بعد میں اسلام میں بھی اس کو برقرار رکھا۔ اس کا ثبوت اس آیت سے ہے ولتکملوا العدة ولتکبروا اللہ علی ما ھداکم ولعلکم تشکرون ۔ (آیت ١٨٥ سورة البقرة ٢) تفسیر طبری میں ہے کہ اس آیت میں عید الفطر میں تکبیر کہنے کا تذکرہ ہے۔کیونکہ اسی آیت کے شروع میں روزے کا تذکرہ ہے۔جس سے عید الفطر کا ثبوت ہوتا ہے۔اور فصل لربک وانحر۔ (آیت ٢ سورة الکوثر ١٠٨) اس آیت میں تذکرہ ہے کہ پہلے عید الاضحی کی نماز پڑھو پھر جانور کی قربانی کرو۔اس لئے دونوں آیتوں سے عید الفطر اور عید الاضحی کا ثبوت ہوتا ہے۔
ترجمہ: (٦٣٥) عید کی نماز ہر اس آدمی پر واجب ہے جس پر جمعہ کی نماز واجب ہے ۔
تشریح : جن لو گوں پر جمعہ کی نمازواجب ہے اور جن شرائط کے ساتھ واجب ہے انہیں لو گوں پر عیدین کی نماز واجب ہے اور انہیں شرائط کے ساتھ واجب ہے ، مثلا غلام ، بیمار ، عورت اور بچے اور معذور پر جمعہ کی نماز واجب نہیں ہے تو عید کی نماز بھی واجب نہیں ، اور گاؤں میں جمعہ کی نماز واجب نہیں ہے تو عید کی نماز بھی واجب نہیں ہے ۔ یہاں پر بھی سب دلائل جمعہ کے ہی ہیں ۔
وجہ : (١) نمازعیدین کے وجوب کی دلیل یہ آیت ہے ۔ فصل لربک وانحر۔ (آیت ٢ سورة الکوثر ١٠٨)اس آیت میں صل امر کا صیغہ ہے جو وجوب پر دلالت کر تا ہے ، جس سے بقر عید کی نماز واجب ہو نے کی دلیل ہے (٢)اس حدیث کی دلالت ہے ۔عن ابی سعید الخدری قال کان النبی ۖ یخرج یوم الفطر والاضحی الی المصلی فاول شیء یبدأ بہ الصلوة ثم ینصرف فیقوم مقابل الناس والناس جلوس علی صفوفھم فیعظھم ویوصیھم ویأمرھم ۔ (بخاری شریف ، باب الخروج الی المصلی بغیر منبر ص ١٣١ نمبر ٩٥٦) اس حدیث میں ہے کہ آپۖ ہمیشہ ایسا کرتے تھے کہ عید الفطر اور عید الاضحی کے لئے نکلا کرتے تھے،یہ استمرار اور ہمیشگی وجوب پر دلالت کرتی ہے۔آپۖ نے کبھی عیدین کی نماز نہیں چھوڑی یہ وجوب کی دلیل ہے۔ (٣) بخاری شریف میں ہے کہ عورتوں کو عید کے لئے نکلنے کا حکم دیتے تھے اور حکم دینا وجوب کی دلیل ہے اس سے بھی واجب ثابت ہو تا ہے ۔ حدیث یہ ہے ۔ عن ام عطیة قالت : أمرنا نبینا ۖ أن نخرج العواتق ذوات الخدور ۔ ( بخاری شریف ، باب خروج النساء و الحیض الی المصلی ، ص ١٥٦، نمبر ٩٧٤ مسلم شریف ، باب ذکر اباحة خروج النساء فی العیدین الی المصلی ، ص ٣٥٥ ، نمبر ٨٩٠ ٢٠٥٤) اس حدیث میں جب عورتوں کو عید کے لئے نکلنے کا حکم دیا تو اس سے پتہ چلتا ہے کہ عید کی نما ز واجب ہے ۔
فائدہ: امام شافعی کے نزدیک چونکہ وجوب کا درجہ نہیں ہے اس لئے ان کے یہاں نماز عیدین سنت مؤکدہ ہیں۔(١)ان کی
