تھے۔اس لئے جب سے ان غلوں کو کیلو گرام سے وزن کرنے لگے ہیں رطل،مد ،صاع اور وسق کو کیلو سے موازنہ کرنے میں مشکلات کا سامنا ہے۔تاہم علماء کے اقوال کی روشنی میں عرب کے پرانے اوزان کو ہندوستانی نئے اوزان میں منتقل کرنے کی کوشش کی گئی ہے تاکہ عوام کو سہولت ہو۔
(درہم کا وزن)
ہندوستان میں سونا اور چاندی کے وزن کے لئے رتی،ماشہ اور تولہ چلتے تھے اس لئے ان کا حساب اس طرح ہے۔
8 رتی ایک ماشہ ہو تا ہے اور 12 ماشہ کا ایک تولہ ہو تا ہے ، یعنی 96 رتی کا ایک تولہ ہوتا ہے۔
ایک درہم کا وزن ایک مثقال سے تھوڑا کم ہے ۔دس درہم ملائیں تو سات مثقال ہوتا ہے۔اس کو وزن سبعہ کہتے ہیں۔ کلکیولیٹر میں اس طرح لکھتے ہیں( 0.70 مثقال) چونکہ 200 درہم میں زکوة لازم ہے اس لئے 200 کو 0.70 سے ضرب دیں تو 140 مثقال ہوتے ہیں۔ یعنی 140 مثقال چاندی ہوتو زکوة لازم ہوگی۔
ایک درہم کا وزن 25.20 رتی ہوتا ہے ، یا 3.15 ماشہ، یا 0.26 تولہ، یا 3.061 گرام ہوتا ہے۔
200 درہم جو نصاب زکوة ہے اس کا وزن 5040 رتی ہوتا ہے، یا 630 ماشہ، یا 52.50 تولہ، یا 612.36 گرام ہوتا ہے۔
قیراط کے اعتبار سے ایک درہم کا وزن 14 قیراط ہوتا ہے۔ اور 200 درہم کا وزن 2800 قیراط ہوگا۔
(دینار کا وزن)
ایک دینارایک مثقال کا ہوتاہے اس لئے ایک دینار 36 رتی کا ہوگا ، یا 4.50 ماشہ، یا 0.375 تولہ، یا 4.374 گرام وزن کا ہوگا۔
20 مثقال یعنی 20 دینار سونے میں زکوة واجب ہوتی ہے اس کا وزن 720 رتی ، یا90 ماشہ، یا 7.50 تولہ، یا 87.48 گرام ہوگا۔
قیراط کے اعتبار سے ایک دینار کا وزن 20 قیراط ہوتا ہے۔اور 20 دینار کا وزن 400 قیراط ہوتا ہے۔
نوٹ : 1000 گرام کا ایک کیلو گرام ہوتا ہے۔
