وفی النہار اربع اربع ٤ وعند الشافعی فیہما مثنی مثنی۔ ٥ وعندابی حنفیة فیہما اربع اربع
٦ للشافعی قولہ علیہ السلام صلوٰة اللیل والنہار مثنی مثنی
تشریح : صاحبین فر ماتے ہیں کہ رات میں نفل دو دو رکعت کر کے پڑھنا افضل ہے ۔ اور دن میں ایک سلام کے ساتھ چار چار کر کے افضل ہے
وجہ : رات میں دو دو کر کے افضل ہو نے کی دلیل یہ حدیث ہے ۔ عن ابن عمر عن النبی ۖ قال صلوة اللیل مثنی مثنی ۔ (ترمذی شریف ، باب ماجاء ان صلوة اللیل مثنی مثنی ص ٩٨ نمبر ٤٣٧ ) اس حدیث میں ہے کہ رات کی نفل دو دو رکعت ہے ۔ اور دن کے بارے میں اوپر حدیث گزری کہ چار رکعت پڑھتے تھے اسلئے دن میں چار رکعت پڑھنے کے قائل ہو ئے ۔
ترجمہ: ٤ اور امام شافعی کے نزدیک دن رات دونوں میں دو دو رکعت پڑھنا افضل ہے ۔
وجہ : حدیث میں ہے کہ دن اور رات میں دو دو رکعت پڑھے ۔حدیث یہ ہے ۔(١) عن ابن عمر عن النبی ۖ قال صلوة اللیل والنھار مثنی مثنی ان تشھد فی کل رکعتین (ابو داؤد شریف ، باب فی صلوة النھار ص ١٩٠ نمبر ١٢٩٥) اس حدیث میں ہے کہ دن میں بھی دو دو رکعت پڑھے اور رات میں بھی دو رکعت پڑھے ۔(٢) حدیث میں ہے ۔ عن عائشة قالت کان رسول اللہ ۖ یصلی فیما بین ان یفرغ من صلوة العشاء وھی التی یدعو الناس العتمة الی الفجر احدی عشر رکعت یسلم بین کل رکعتین ۔ (مسلم شریف ، باب صلوة اللیل وعدد رکعات النبی ۖ فی اللیل ص ٢٥٤ نمبر ٧٣٦) اس حدیث سے بھی معلوم ہوا کہ رات کی نماز دو دو رکعت پڑھنی چاہئے۔ اور دن کے بارے میں یہ حدیث ہے (٣)عن ام ھانی بنت ابی طالب ان رسول اللہ ۖ یوم الفتح صلی سبحة الضحی ثمانی رکعات یسلم من کل رکعتین ۔ (ابو داؤد شریف ، باب صلوة الضحی ص ١٩٠ نمبر ١٢٩٠) اس حدیث سے معلوم ہوتا ہے کہ دن کی نماز دودو رکعتیں پڑھنی چاہئے۔ان احادیث کی بنا پر امام شافعی رات اور دن میں دودو رکعت نفل پڑھنے کے قائل ہیں۔
ترجمہ: ٥ اور امام ابو حنیفہ کے نزدیک دن میں بھی چار چار رکعت اور رات میں بھی چار چار رکعت پڑھنا افضل ہے ۔
وجہ : اوپر کئی حدیثیں آگئیں جن میں ہے کہ حضور دن میں بھی سنتیں چار رکعتیں پڑھتے تھے ، اور رات میں بھی سنتیں چار رکعتیں پڑھتے تھے۔
ترجمہ: ٦ امام شافعی کی دلیل حضور علیہ السلام کا قول ہے کہ دن اور رات کی سنتیں دو دو ہیں ۔
تشریح : حدیث یہ گزر گئی ۔ عن ابن عمر عن النبی ۖ قال صلوة اللیل والنھار مثنی مثنی ان تشھد فی کل رکعتین (ابو داؤد شریف ، باب فی صلوة النھار ص ١٩٠ نمبر ١٢٩٥) اس حدیث میں ہے کہ دن اور رات کی سنتیں دو دو ہیں۔
