٥ والاوّل اظہر ٦ ودَلّت المسألة علٰی جواز الاقتداء بالشفعویة وعلی المتابعة فی قراء ة القنوت فی الوتر ٧ واذا علم المقتدی منہ مایزعم بہ فساد صلاتہ کالفصد وغیرہ لایجزیہ الاقتداء بہ
قاعدہ یہ ہے کہ کوئی آدمی کوئی بات کہہ رہا ہو اور دوسرا وہاں چپ کھڑا ہو تو ایسا سمجھا جاتا ہے کہ یہ آدمی بھی کہنے میں شریک ہے اس لئے بیٹھ جائے تاکہ مخالفت واضح ہو جائے
ترجمہ : ٥ اول زیادہ ظاہر ہے ۔
تشریح : پہلا مسلک یہ تھا کہ امام کے ساتھ کھڑا رہے اور چپ رہے ۔ فر ماتے ہیں کہ یہ مسلک زیادہ ظاہر ہے اور اچھا ہے ۔
وجہ : (١) اسکی وجہ یہ ہے کہ حدیث ۔ (( انما جعل الامام لیؤتم بہ ، فاذا رکع فارکعوا ، واذا رفع فارفعوا ، و اذا قال سمع اللہ لمن حمد ؛ فقولوا : ربنا لک الحمد ، و اذا صلی جالسا فصلوا جلوسا ً )) ۔ ( بخاری شریف ، باب انما جعل الامام لیؤتم بہ ، ص ٩٥ ، نمبر ٦٨٨)میں ہے کہ امام کی اتباع کرو اسلئے کھڑا ہو نے میں اتباع کی جائے گی ، اور قنوت منسوخ ہے اسلئے اس میں چپ رہے گا تو دونوں حدیثوں پر عمل ہو گیا ۔ اورکوئی قباحت لازم نہیں آئی ۔ اور بیٹھنے کی شکل میں امام کی اتباع والی حدیث پر عمل نہیں ہو گا ۔ پھر امام کی مخالفت کر کے بیٹھنا یہ اچھا بھی معلوم نہیں ہو تا ۔
نوٹ : دعاء قنوت تین قسم کی ہیں ]١[ مصیبت کے وقت قنوت نازلہ پڑھنا ، حضور ۖ نے ایک مہینہ پڑھا اسکے بعد چھوڑ دیا ۔ البتہ عظیم مصیبت کے وقت ابھی بھی حنفیہ کے یہاں فجر کی نماز میں پڑھنا مسنون ہے ۔ ]٢[ فجر کی نماز میں ہمیشہ قنوت پڑھنا ، یہ حنفیہ کے یہاں نہیں ہے اور امام شافعی کے یہاں ہے ۔ ]٣[ وتر میں دعاء قنوت پڑھنا ۔ یہ امام شافعی کے یہاں صرف رمضان کے نصف آخیر میں ہے ، باقی دنوں میں نہیں ۔ اور حنفیہ کے یہاں پورے سال میں ہے ۔ ۔ دلائل اور تفصیل اوپر گزر گئے ۔
ترجمہ ٦ یہ مسئلہ شوافع کی اقتداء پر دلالت کر تا ہے ۔ اور متابعت پر دلالت کر تا ہے وتر کے قنوت پڑھنے میں ۔
تشریح : متن کے مسئلے سے دو باتیں معلوم ہوئیں ]١[ ایک تو یہ کہ حنفی مقتدی شافعی امام کی اقتداء کر سکتا ہے ۔ اسی طرح مالکی اور حنبلی امام کی بھی اقتداء کر سکتا ہے ، اور یہ جائز ہے ۔]٢[ اور دوسری بات یہ معلوم ہوئی کہ اگر شافعی امام وتر میں قنوت پڑھے تو حنفی مقتدی انکی اقتداء میں قنوت پڑھے ۔
وجہ: کیونکہ جب فجر کی نماز میں شافعی امام قنوت پڑھے تو انکی اقتداء میںاس وقت کھڑا رہنا بہتر ہے تو جب وہ وتر میں قنوت پڑھے تو ہم بھی انکی اقتداء میں قنوت پڑھیں کیونکہ یہ قنوت تو ہمارے یہاں بھی واجب ہے ۔
ترجمہ: ٧ اور اگر حنفی مقتدی شافعی امام کے بارے میں ایسی بات جان لے جس سے حنفی مقتدی کی نماز فاسد ہو تی ہو ، جیسے فصد لگانا وغیرہ تو اس وقت شافعی امام کی اقتداء جائز نہیں ہو گی ۔