(٤٥٨) یکرہ ان یغلق باب المسجد) ١ لانہ یشبہ المنع من الصلوٰة وقیل لابأس بہ اذاخیف علیٰ متاع المسجد فی غیراوان الصلوٰة (٤٥٩)ولا بأس بان ینقش المسجد بالجصّ والساج و ماء الذہب)
بیتی فأتخذہ مصلی ....ثم قال : ((أین تحب أن أصلی من بیتک ؟) ) قال فأشرت ُ لہ الی ناحیة من البیت ۔ ( بخاری شریف ، باب المساجد فی البیوت ، ص ٦٠ ، نمبر ٤٢٥) اس حدیث میں ہے کہ گھر میں نماز پڑھنے کے لئے مسجد بنائی اور حضور ۖ نے اس کا افتتاح کیا ۔ (٢)اس حدیث میں تو گھر میں مسجد بنانے کی ترغیب دی گئی ہے ۔ عن ابن عمر قال : قال رسول اللہ ۖ ((اجعلوا فی بیوتکم من صلاتکم ، و لا تتخذو ھا قبورا ً ۔ ( ابو داود شریف ، باب صلوة الرجل التطوع فی بیتہ ، ص ١٥٨، نمبر ١٠٤٣) اس حدیث میں ہے کہ گھر میں بھی نماز پڑھو اور اسکو قبر ستان کی طرح نہ بناؤ ۔ اس سے معلوم ہوا کہ گھر میں بھی ایک مسجد ہو نی چاہئے ۔
تاہم گھر میں بھی جس جگہ کو نماز کے لئے متعین کیا ہے اس جگہ ناپاکی ڈالنا اچھا نہیں ہے ۔ اس حدیث میں اسکا ثبوت ہے۔ عن عائشة قالت : أمر رسول اللہ ۖ ببناء المساجد فی الدور ، و أن تنظف و تطیب ۔( ابوداود شریف ، باب اتخاذ المساجد فی الدور ، ص ٧١ ، نمبر ٤٥٥) اس حدیث سے معلوم ہوا کہ گھروں میں مسجد بناؤ اور اسکو صاف ستھرا رکھو ۔
ترجمہ: (٤٥٨) اور مکروہ ہے کہ مسجد کا دروازہ بند کیا جائے ۔
ترجمہ: ١ اسلئے کہ نماز سے روکنے کے مشابہ ہو گیا ۔
تشریح : مسجد کا دروازہ بند کر نا مکروہ ہے ۔ اسلئے کہ مسجد کا دروازہ بند کر نے کا مطلب یہ ہوا کہ مصلی کو نماز سے روکنا چاہتا ہے ۔اور آیت میں ہے کہ نماز سے روکنے والا ظالم ہے ۔ اسلئے مسجد کا دروازہ بند کر نا مکروہ ہے ۔
وجہ : ۔ اس آیت میں ہے ۔و من أظلم ممن منع مساجد اللہ أن یذکر فیھا اسمہ و سعی فی خرابھا ۔( آیت ١١٤، سورة البقرة ٢ ) اس آیت میں ہے کہ جو مسجد میں اللہ تعالی کا نام لینے سے روکے اس سے بڑا ظالم کون ہو گا ۔ اور مسجد کو بند کر نے سے لوگوں کو مسجد میں اللہ کا نام لینے سے روکنا ہے اسلئے مسجد کے دروازے کو بند کر نا مکروہ ہو گا ۔
ترجمہ: ٢ بعض حضرات نے فرمایا کہ مسجد کے سامان پر خطرہ ہو تو نماز کے وقت کے علاوہ بند کر نے میں کوئی حرج نہیں ہے ۔
تشریح : بعض علماء نے فر مایا کہ مسجد کے سامان چوری ہو نے کا خطرہ ہو تو نماز کے وقت کے علاوہ میں مسجدکے دروازے کو بند کر نے میں کوئی حرج نہیں ہے ۔ اور اسکی وجہ یہ ہے کہ سامان کی اہمیت ہے اسلئے اسکی چوری ہو نے کا خطرہ ہو تو دروازہ بند کر سکتا ہے ۔
ترجمہ: (٤٥٩) اور مسجد کو گچ ، سال کی لکڑی ، اور سونے کے پانی سے منقش کر نے میں کوئی حرج نہیں ہے ۔
