٢ ولہ ان السعی الی الجمعة من خصائص الجمعة فینزّل منزلتہا فی حق ارتفاض الظہر احتیاطا
٣ بخلاف ما بعد الفراغ منہا لانہ لیس بسعی الیھا۔(٦٢٨) ویکرہ ان یصلی المعذورون الظہر بجماعة یوم الجمعة فی المصر وکذا اہل السجن )
فارغ ہو نے کے بعد مسجد کی طرف چلا ۔
تشریح : یہ صاحبین کی دلیل ہے کہ جمعہ کی طرف چلنا ظہر سے کم درجہ ہے ، اسلئے ظہر کی نماز جب مکمل ہو گئی جمعہ کی طرف چلنااسکو نہیں توڑ سکے گا ۔ اور خود جمعہ ظہر سے اعلی درجے کا ہے اسلئے جمعہ میں شرکت کے بعد جمعہ ظہر کو توڑ دے گا اور باطل کر دے گا ۔تو جس طرح امام جمعہ پڑھکر فارغ ہو جائے اور آدمی جمعہ کی طرف سعی کرے تو اس سے ظہر با طل نہیں ہو تا ۔ اسی طرح جمعہ سے فارغ ہو نے سے پہلے جمعہ کی طرف سعی کرے تو اس سے ظہر باطل نہیں ہو گا ۔
ترجمہ: ٢ اور امام ابو حنیفہ کی دلیل یہ ہے کہ جمعہ کی طرف سعی کر نا جمعہ کی خصوصیات میں سے ہے اسلئے ظہر کے توڑنے میں سعی کو احتیاط کے طور پر جمعہ کے درجے میں اتار دیا جائے گا ۔
تشریح : امام ابو حنیفہ کی دلیل یہ ہے کہ جمعہ کی طرف سعی کر نا جمعہ کی خصوصیات میں سے ہے اسلئے جمعہ کی طرف سعی کرنے کو جمعہ کے درجے میں رکھ دیا گیا اسی میں احتیاط ہے ، اور جب جمعہ شروع کر دیا گیا تو ظہر ٹوٹ جائے گا ۔ اسلئے ظہر باطل کر دیا گیا ۔
لغت : ارتفاض : کا معنی ہے چھوڑنا ۔
ترجمہ: ٣ بخلاف جبکہ جمعہ سے فارغ ہو نے کے بعدسعی کرے تو وہ جمعہ کی طرف سعی نہیں ہے ۔
تشریح : یہ امام صاحبین کو جواب ہے ۔ انہوں نے استدلال فر مایا تھا کہ امام جمعہ سے فارغ ہو جائے اسکے بعد سعی کرے تو اس سے ظہر باطل نہیں ہو تا ، اسی طرح جمعہ سے فارغ ہو نے سے پہلے سعی کرے تو اس سے بھی ظہر باطل نہیں ہو گا ۔ اسکو جواب دے رہے ہیں کہ جمعہ سے فارغ ہو نے کے بعد سعی کر نا جمعہ کی طرف سعی ہے ہی نہیں وہ تو مسجد کی طرف سعی ہے ، کیونکہ جمعہ کی طرف سعی اسکو کہیں گے جب واقعی جمعہ مو جود ہو اور یہاں جمعہ ختم ہو چکا ہے اسلئے اب جمعہ کی طرف سعی نہیں ہو گا بلکہ مسجد کی طرف سعی ہو جائے گا ۔ اور جب جمعہ کی طرف سعی ہوا ہی نہیں تو اس سے ظہر کیسے باطل ہو جائے گا اسلئے جمعہ کے بعد سعی جمعہ میں شرکت کے درجے میں نہیں ہے ۔
ترجمہ: (٦٢٨)مکروہ ہے کہ معذور آدمی ظہر کی نماز جمعہ کے دن شہر میںجماعت کے ساتھ پڑھے۔ ایسے ہی قیدی لوگ جماعت کے ساتھ پڑھے۔
تشریح : معذور مثلا مسافر ، مریض ، غلام وغیرہ شہر میں جمعہ کے دن جماعت کے ساتھ ظہر پڑھے تو یہ مکروہ ہے ، اسی طرح قیدی
