حنیفة بالسعی وقالا لایبطل حتی یدخل مع الامام) ١ لان السعی دون الظہر فلا ینقضہ بعدتمامہ والجمعة فوقہا فینقضہا وصار کما اذا توجہ بعدفراغ الامام
ہے تو امام ابو حنیفہ کے نزدیک جمعہ کی طرف سعی کرتے ہی ظہرکی نماز باطل ہو جائے گی۔اور صاحبین نے فرمایا نہیں باطل ہوگی یہاں تک کہ امام کے ساتھ داخل ہو جائے ۔
تشریح : جمعہ کی طرف چلنے کو سعی الی الجمعة کہتے ہیں ۔۔ ایک شخص نے امام کے جمعہ پڑھنے سے پہلے گھر میں ظہر کی نماز پڑھ لی ، ابھی امام جمعہ کی نماز میں تھے کہ یہ آدمی مسجد کی طرف چل پڑا تو امام ابو حنیفہ فر ماتے ہیں کہ گھر سے چلتے ہی اسکی ظہر کی نماز باطل ہو کر نفل بن گئی ، اب اگر جمعہ کی نماز میں شریک ہو گیا تب تو جمعہ پڑھے ، اور اگر جمعہ کی نماز میں شریک نہ ہو سکا تو دوبارہ ظہرکی نماز پڑھے کیونکہ اسکی ظہر کی نماز باطل ہو چکی ہے
صاحبین فر ماتے ہیں کہ صرف گھر سے چلنے سے ظہر کی نماز باطل نہیں ہو گی ، بلکہ جمعہ کی نماز میں شریک ہو گا تو ظہر کی نماز باطل ہو گی اور اگر جمعہ کی نماز میں شریک نہ ہو سکا تو ظہر کی نماز بحال رہے گی ، اسکو دو بارہ پڑھنے کی ضرورت نہیں ہے ۔اور اگر امام جمعہ کی نماز سے فارغ ہو چکا ہے اسکے بعد گھر سے نکلا تو سب کے نزدیک ظہر باطل نہیں ہو گی ، اسکو دوبارہ ظہر پڑھنے کی ضرورت نہیں ہے ۔
وجہ : (١) امام ابو حنیفہ کا اصول یہ ہے کہ ابتداء شیء میں شریک ہو نا گو یا کہ اصل شیء میں شریک ہو نا ہے ۔ اسی اصول پر یہ مسئلہ متفرع ہے ۔ وہ فر ماتے ہیں کہ جمعہ کی طرف سعی کرنا چلنا جمعہ کی خصوصیات میں سے ہے اور اس نے گھر سے چل کر سعی کی تو گو یا کہ جمعہ کا ابتدائی حصہ پالیا تو گو یا کہ جمعہ میں شریک ہو گیا اور ابھی اوپر گزرا کہ جمعہ میں شریک ہو جائے تو ظہر باطل ہو جا تا ہے اسلئے جمعہ کی طرف سعی کر نے سے ظہر باطل ہو جائے گا ۔
صاحبین کا اصول یہ ہے کہ اصل پر پورے طور پر قادر ہو گا تب ہی فرع باطل ہو گا ۔۔اب جمعہ کی طرف سعی اصل نہیں ہے یہ تو اصل سے بہت پہلے کی چیز ہے اسلئے جمعہ کی طرف سعی کر نے سے ظہر باطل نہیں ہو گا ، ہاںاصل جمعہ میں شریک ہو جائے تب ظہر باطل ہو گا ، کیونکہ اصل پر قدرت سے بدل باطل ہو جا تا ہے ۔ ۔ اور ظہر کے باطل ہو نے کی وجہ یہ ہے کہ جمعہ کے دن ظہر چھوڑ کر جمعہ پڑھنے کے لئے کہا تو جمعہ اعلی ہوا ، اسلئے اعلی پر قدرت کی وجہ سے ادنی باطل ہو جائے گا
اصول : امام ابو حنیفہ کے یہاںابتداء شیء کو بعض مرتبہ اصل کا درجہ دے دیا جا تا ہے ۔
اصول : صاحبین کے یہاں بالکل اصل پر جب تک قدرت نہ ہو بدل باطل نہیں ہو گا ۔
ترجمہ : ١ اس لئے کہ جمعہ کی طرف چلنا ظہر کی نماز سے کم درجہ ہے اسلئے ظہر کے مکمل ہو نے کے بعد سعی اسکو نہیں توڑے گا ، اور جمعہ میں شریک ہو نا ظہر سے اوپر کا درجہ ہے ، اسلئے جمعہ میں شریک ہو نا ظہر کو توڑ دے گا ۔توجمعہ کی طرف سعی ایسا ہوا کہ امام کے