یؤم فی الجمعة) ١ وقال زفر لا یجزیہ لانہ لافرض علیہ فاشبہ الصبی والمرأة ٢ ولنا ان ہذا رخصة فاذا حضروا یقع فرضا علی مابینا ٣ اما الصبی فمسلوب الاہلیة والمرأة لاتصلح لامامة الرجال ٤ وتنعقدبہم الجمعة لانہم صلحوا للامامة فیصلحون للاقتداء بطریق الاولی
وجہ: یہ لوگ عاقل بالغ ہیں اور امامت کے قابل ہیں ۔البتہ ان لوگوں کی سہولت کے لئے ان لوگوں پر جمعہ واجب نہیں کیا گیا ہے۔لیکن مشقت برداشت کرکے جمعہ میں آ گئے اور جمعہ کی امامت بھی کر لی تو امامت صحیح ہو جائے گی۔البتہ عورت اور بچہ عام نمازوں میں امامت کے قابل نہیں ہیں اس لئے جمعہ کی بھی امامت نہیں کر سکتے۔
ترجمہ: ١ حضرت امام زفر نے فر مایا کہ ان لو گوں کی امامت جائز نہیںاسلئے کہ ان پر فرض نہیں ، اسلئے یہ لوگ بچے اور عورت کے مشابہ ہو گئے ۔
تشریح : مسافر اور غلام اور مریض نے جمعہ کی امامت کرائی تو امام زفر فر ماتے ہیں کہ انکی امامت صحیح نہیں ہے ۔ اسکی وجہ یہ فر ماتے ہیں کہ ان لو گوں پر جمعہ واجب ہی نہیں ہے اسلئے انکی امامت کا فی نہیں ہو گی ۔ تو یہ لوگ ایسے ہو گئے جیسے بچے اور عورت کی امامت ، کہ انکی امات کا فی نہیں تو مریض ، غلام ،اور مسافر کی امامت بھی کا فی نہیں ۔
ترجمہ: ٢ ہماری دلیل یہ ہے کہ جمعہ میں حاضر نہ ہو نا یہ انکے لئے رخصت ہے ، پس جب حاضر ہو گئے توفرض واقع ہو جائے گا ، جیسا کہ اوپر بیان کیا۔
تشریح : مسافر ، مریض ، اور غلام کی امامت کی دلیل یہ ہے کہ ان لو گوںپر جمعہ واجب اسلئے نہیں ہے کہ انکو آنے میں حرج ہو گا ، لیکن جب آہی گئے تو جمعہ فرض اداء ہو جائے گا ، اور جب فرض اداء ہو جائے گا تو امامت بھی کر سکتا ہے ۔
ترجمہ: ٣ بہر حال بچہ تو اس میں امامت کی اہلیت ہی نہیں ہے ۔ اور عورت تو وہ مرد کی امامت کی صلاحیت نہیں رکھتی ۔
تشریح : بچے کی امامت اسلئے درست نہیں ہے کہ اس پر نماز ہی فرض نہیں ہے اور حکم کا مخاطب بھی نہیں ہے ۔ اور عورت کے بارے میں پہلے بتا یا کہ یہ مرد کی امامت کی صلاحیت نہیں رکھتی ، اسلئے وہ امامت نہیں کر سکتی ۔
ترجمہ: ٤ مسافر، مریض ، اور غلام کی جماعت سے جمعہ منعقد ہو جائے گا اسلئے کہ یہ لوگ جب امامت کی صلاحیت رکھتے ہیں تو بطریق اولی اقتداء کی بھی صلاحیت رکھیں گے ۔
تشریح : یہ جملہ امام شافعی کے مسلک کو رد کر نے لئے ہے ۔ ان کا مسلک یہ ہے کہ مسافر ، غلام ، اور بیمار امامت تو کر سکتے ہیں ، لیکن اگر صرف یہی لوگ اتنی تعداد میں جمع ہو جائیں کہ جمعہ کہ جماعت ہو جائے تو انکی جماعت سے جمعہ قائم نہیں ہو گا ۔۔ تو امام ابو حنیفہ انکا جواب دے رہے ہیں کہ اگر صرف یہی لوگ چار آدمی جمع ہو جائیں تب بھی جمعہ قائم ہو جائے گا ۔ اور اسکی دلیل یہ ہے کہ