١ لان المسافر یحرج فی الحضور وکذا المریض والاعمیٰ والعبد مشغول بخدمة المولیٰ والمرأة بخدمة الزوج فعذروا دفعاً للحرج والضرر(٦٢٤) فان حضروا فصلوا مع الناس اجزاہم عن فرض الوقت ) ١ لانہم تحملوہ فصاروا کالمسافر اذا صام (٦٢٥) ویجوز للمسافر والعبد والمریض ان
لیجانے والا نہ ہو تو اس پر جمعہ نہیں ہے ۔
ترجمہ : ١ اسلئے کہ مسافر کے حاضر ہو نے میںاسکو حرج ہے ، ایسے ہی بیمار ، اور اندھا کو حرج ہے ، اور غلام آقا کی خدمت میں مشغول ہے ، اور عورت شوہر کی خدمت میں ہے اسلئے حرج اور ضرر کو دور کر نے کے لئے معذور قرار دے دئے گئے ۔
تشریح : مسافر سفر کر رہا ہے پس اگر اسکو جمعہ میں حاضر ہو نے کے لئے کہا جائے توسفر میں حرج ہو گا اور نقصان ہو گا اسلئے اس حرج اور نقصان کو دور کر نے کے لئے یہ کہا گیا کہ اس پر جمعہ فرض نہیں ہے ۔ یہی حال بیمار کا ہے ، یہی حال اندھے کا ہے کہ اسکو جامع مسجد تک جانے میں حرج ہو گا ، اسلئے اس پر جمعہ فرض نہیں ہے ۔ اور غلام آقا کی خدمت میں مشغول ہے ، عورت اپنے شوہر کی خدمت میں مشغول ہے اسلئے جامع مسجد تک جانے میں اسکو حرج ہو گا اسلئے ان پر جمعہ فرض نہیں ہے ۔ اسکے لئے حدیث اوپر گزر گئی ۔
ترجمہ: (٦٢٤) اگر یہ لوگ حاضر ہوئے اور لوگوں کے ساتھ نماز پڑھی تو ان کو وقتی فرض سے کافی ہو جائے گا۔
تشریح: ان لوگوں پر جمعہ واجب نہیں ہے لیکن اگر ان لوگوں نے جمعہ پڑھ لیا تو ظہر ان سے ساقط ہو جائے گی۔
وجہ: (١)کیونکہ جمعہ اگر چہ واجب نہیں ہے لیکن ظہر اور جمعہ میں سے ایک ان پر واجب ہے۔ اس لئے اگر جمعہ پڑھ لیا تو ظہر کے بدلے میں ادا ہو جائے گا۔(٢)یہ اثر ان کی دلیل ہے عن الحسن قال ان جمعن مع الامام اجزأھن من صلوة الامام۔ (مصنف ابن ابی شیبة ،٣٤٠المرأة تشھد الجمعة اتجزیٔھا صلوة الامام،ص ٤٤٦،نمبر١٥٥٦) (٣)عن الزھری قال سألتہ عن المسافر یمر بقریة فینزل فیھا یوم الجمعة قال اذا سمع الاذان فلیشھد الجمعة (مصنف عبد الرزاق ، باب من تجب علیہ الجمعة ص ٧٤ نمبر٥٢١٩) اس اثر سے معلوم ہوا کہ یہ لوگ جمعہ میں حاضر ہو جائے تو ظہر کی ادائیگی ہوجائے گی۔
ترجمہ: ١ اسلئے کہ انہوں نے اسکو بر داشت کر لیا تو ایسا ہو گیا کہ مسافر نے روزہ رکھ لیا ۔
تشریح : اگر ان معذورلوگوں نے جمعہ پڑھ لیا تو جمعہ کی ادائیگی ہو جائے گی ، اسکی وجہ یہ ہے کہ یہ لوگ مشقت میں نہ پڑے اسلئے ان پر جمعہ واجب نہیں رکھا ، لیکن ان لو گوں نے خود ہی جمعہ کی مشقت کو بر داشت کر لیا تو اسکے لئے جمعہ جائز ہو گیا ، جیسے مسافر رمضان کا روزہ رکھنا فرض نہیں ہے لیکن مشقت برداشت کر کے روزہ رکھ ہی لیا تو روزہ ہو جائے گا ، اسی طرح ان لو گوں نے جمعہ پڑھ لیا تو جمعہ ہو جائے گا ۔
ترجمہ: (٦٢٥)غلام ،مسافر اور مریض کے لئے جائز ہے کہ وہ جمعہ میں امامت کرے۔