١ خلافا لزفر ، ھو یقول انہ شرط فلا بد من دوامہ کالوقت ٢ و لھما ان الجماعة شرط الانعقاد فلا یشترط دوامھا کالخطبة ٣ ولابی حنفیة ان الانعقاد بالشروع فی الصلوٰة ولایتم ذٰلک الابتمام الرکعة لان مادونہا لیس بصلوٰة فلا بدمن دوامہا الیہا
رکعت مکمل ہو گئی ہے ۔
وجہ : انکی دلیل یہ ہے کہ جمعہ کے منعقد ہو نے کے لئے جماعت شرط ہے ، اور تحریمہ کے بعد جمعہ منعقد ہو گیا اسلئے اسکے بعد جماعت نہ بھی رہے تو جمعہ ہو جائے گا ، کیونکہ جمعہ شروع ہو چکا ہے ۔ (٢) جس طرح خطبہ جمعہ کے ختم تک رہنا ضروری نہیں بلکہ صرف پہلے پڑھ دینا کا فی ہے اسی طرح جماعت جمعہ کے ختم تک رہنا ضروری نہیں صرف جمعہ کے شروع ہو نے تک رہنا کا فی ہے ۔
ترجمہ: ١ امام زفر اسکے خلاف ہیں ، وہ فر ماتے ہیں کہ جماعت شرط ہے اسلئے اسکا اخیر تک رہنا ضروری ہے جیسے کہ وقت ۔
تشریح : امام زفر کی رائے یہ ہے کہ سلام پھیرنے تک جماعت رہے تب تو جمعہ پڑھے ، اور اس سے پہلے مرد بھاگ جائے تو جمعہ کے بجائے ظہر پڑھے ۔ انکی دلیل یہ ہے کہ جمعہ کے لئے جماعت شرط ہے ، تو جس طرح جمعہ کے لئے وقت شرط ہے تو اسکا آخیر تک رہنا شرط ہے اگر جمعہ کے سلام پھیرنے سے پہلے ظہر کا وقت ختم ہو جائے تو جمعہ کے بجائے ظہر پڑھے گا ، اسی طرح جماعت کا سلام پھیرنے تک رہنا ضروری ہے اگر سلام پھیرنے سے پہلے بھی جماعت نہیں رہی تو جمعہ نہیں پڑھے گا ظہر پڑھے گا ۔
ترجمہ: ٢ صاحبین کی دلیل یہ ہے کہ جماعت جمعہ کے منعقد ہو نے کے لئے شرط ہے اسلئے خطبہ کی طرح اسکو آخیر تک رہنا ضروری نہیں۔
تشریح : یہ صاحبین کی دلیل ہے ۔ کہ جماعت جمعہ کے منعقد ہو نے کے لئے شرط ہے ، پس جب جمعہ منعقد ہو گیا ، یعنی جمعہ شروع ہو گیا تو اب جماعت کی چنداں ضرورت نہیں رہی اسلئے اب جماعت نہ بھی رہی تو جمعہ ہو جائے گا ۔ ۔ جس طرح خطبہ جمعہ کے لئے شرط ہے ، لیکن جب خطبہ پڑھ دیا گیا تو اب اسکی ضرورت نہیں رہی ، اسی طرح جمعہ منعقد ہو گیا تو اب جماعت کی ضرورت نہیں رہی ۔
ترجمہ: ٣ امام ابو حنیفہ کی دلیل یہ ہے کہ جمعہ کا منعقد ہو نا نماز میں شروع ہو نے سے ہے اور ایک رکعت پوری ہو نے سے پہلے انعقاد پو را نہیں ہو تا ، اسلئے کہ ایک رکعت سے پہلے نماز ہی نہیں ہے اسلئے ایک رکعت کے پورے ہو نے تک جماعت کا دوام ضروری ہے ۔
تشریح : امام ابو حنیفہ کی دلیل یہ ہے کہ یہ بات صحیح ہے کہ جماعت جمعہ کے انعقاد کے لئے ضروری ہے لیکن جب تک ایک رکعت پوری نہ ہو نماز منعقد نہیں ہو تی اسلئے ایک رکعت پوری ہونے تک جماعت رہنی چاہئے ۔ اسلئے کہ ایک رکعت سے پہلے گو یا کہ نماز نہیں ہے ۔