(٥٠٩) ولو رکع المقتدی قبل امامہ فادرکہ الامام فیہ جاز) ١ وقال زفر لایجزیہ لان مااتی بہ قبل الامام غیر معتدبہ فکذا مایبنی علیہ
تشریح : ہماری دلیل عقلی یہ ہے کہ رکعت پانے کے لئے افعال نماز میں شرکت شرط ہے ۔ یا قیام میں شرکت ہو یا رکوع میں شرکت ہو ۔ اور یہ آدمی نہ قیام میں شرکت کر پایا اور نہ امام کے ساتھ رکوع میں شریک ہو سکا ، اسلئے وہ رکعت نہیں ہو ئی ، اسکو دوبارہ پڑھنی ہو گی ۔
ترجمہ: (٥٠٩) اگر مقتدی امام سے پہلے رکوع میں گیا پھر امام نے اسکو رکوع میں پا یا تو رکوع ہو گیا ۔
تشریح : مقتدی امام سے پہلے ہی رکوع میں چلا گیا بعد میں امام رکوع میں گیا تو مقتدی کا رکوع ہوا یا نہیں ؟ تو فر ماتے ہیں کہ مقتدی کا رکوع ہو گیا ، اور اسکی اقتداء بھی درست ہو گئی
وجہ : اسکی وجہ یہ ہے کہ اقتداء کے لئے ، یا رکوع درست ہو نے کے لئے امام اور مقتدی کا ایک ساتھ شریک ہونا شرط ہے ، اور دونوں رکوع میں شریک ہو گئے اسلئے رکوع ہو گیا ،یہ اور بات ہے کہ امام کو پہلے رکوع میں جانا چاہئے اور مقتدی کو بعد میں ، لیکن یہاں الٹا ہو گیا ، تا ہم رکوع ہو جائے گا
مقتدی امام سے پہلے رکوع سجدے میں جائے یہ مکروہ ہے ۔ اسکی دلیل یہ حدیث ہے ۔(١) سمعت أبا ھریرة عن النبی ۖ قال : (( أما یخشی أحدکم أو لا یخشی أحدکم اذا رفع رأسہ قبل الامام أن یجعل اللہ رأسہ رأس حمار ؟ أو یجعل اللہ صورتہ صو رة حمار ( بخاری شریف ، باب اثم من رفع رأسہ قبل الامام ، ص ٩٦ ، نمبر ٦٩١ ابو داود شریف ، باب التشدید فیمن یرفع قبل الامام أو یضع قبلہ ، ص ٩٨ ، نمبر ٦٢٣) اس حدیث میں ہے کہ امام سے پہلے رکوع سجدے میں چلا جائے تو کہیں اسکا سر گدھے کے سر میں تبدیل نہ ہو جائے ۔ (٢) عن معاویة بن ابی سفیان قال : قال رسول اللہ ۖ (( لا تبادرونی برکوع و لا بسجود فانہ مھما أسبقکم بہ اذا رکعت تدرکونی بہ اذا رفعت انی قد بدنت ُ ۔ ( ابو داود شریف ، باب ما یؤمر بہ المأموم من اتباع الامام ، ص ٩٢ ، نمبر ٦١٩) اس حدیث میں ہے کہ مجھسے پہلے رکوع سجدے میں مت جایا کرو ۔ اسلئے امام سے پہلے رکوع یا سجدے میں جانا مکروہ ہے ۔ ، تاہم نماز ہو جائے گی ۔
ترجمہ: ١ امام زفر نے فر مایا کہ اسکو رکوع کافی نہیں ہے ، اسلئے کہ جو کچھ امام سے پہلے لا یا اسکا اعتبار نہیں ہے ، اور اس چیز کا بھی اعتبار نہیں جو اس پر بناء کی گئی ۔
تشریح : امام زفر فر ماتے ہیں کہ مقتدی نے امام سے پہلے رکوع کیا اور پھر بعد میں امام بھی اس رکوع میںشریک ہو گیا پھر بھی مقتدی کا وہ رکوع نہیں ہوا ۔
وجہ: اسکی وجہ یہ فر ماتے ہیں کہ رکوع کا جو حصہ امام سے پہلے اداء کیا اسکا اعتبار نہیںہے ، اور امام کے شریک ہو نے کے بعد رکوع کا
