(٥٠٨) ومن انتہی الی الامام فی رکوعہ فکبرو وقف حتی رفع الامام رأسہ لایصیر مدرکالتلک الرکعة) ١ خلافا لزفر وہو یقول ادرک الامام فیما لہ حکم القیام ٢ ولنا ان الشرط ہو المشارکة فی افعال الصلوٰة ولم یوجد فی القیام ولا فی الرکوالمشارکة فی افعال الصلوٰة ولم یوجد فی القیام ولا فی الرکوع
تشریح : زیادہ بہتر یہ ہے کہ کسی بھی سنت رواتب کو کسی بھی وقت میں نہ چھوڑے ، کیونکہ وہ فرائض کو پوری کر نے والی ہیں ، ہاں وقت کے فوت ہو نے کا خوف ہو تو اب چھوڑ دے کیونکہ اسکو اداء کر نے جائے گا تو فرض ہی قضاء ہو جائے گا ۔
ترجمہ: (٥٠٨) کوئی آدمی امام تک اسکے رکوع میں پہنچا ، پس اس نے تکبیر کہی اور ٹھہرا رہا یہاں تک کہ امام نے اپنا سر اٹھا لیا تو آدمی اس رکعت کو پانے والا نہیں ہوا ۔
تشریح : کوئی آدمی اس وقت صف میں پہنچا جبکہ امام رکوع میں تھے ، اس آدمی نے تکبیر کہی اور ابھی کھڑا ہی تھا کہ رکوع میں شامل نہیں ہوا تھا کہ امام نے رکوع سے سر اٹھا لیا ، تو اس آدمی نے اس رکعت کو نہیں پا یا ، اس رکعت کو دوبارہ پڑھنا ہو گا ۔
وجہ: (١) اثر میں ہے ۔عن ابن عمر قال : اذا أدرکت الامام راکعا فرکعت قبل ان یرفع فقد أدرکت ، و ان رفع قبل أن ترکع فقد فاتتک ۔( مصنف عبد الرزاق ، باب الرجل یدرک الامام و ھو راکع فیرفع الامام قبل أن یرکع ، ج ثانی ، ص ١٨١، نمبر ٣٣٧٠مصنف ابن ابی شیبة ، باب من قال اذا ادرکت الامام و ھو راکع فوضعت یدیک علی رکبتیک من قبل أن یرفع رأسہ فقد ادرکتہ ، ج اول ، ص ٢٢٠، نمبر ٢٥٢٠) اس اثر میں ہے کہ امام کے سر اٹھانے سے پہلے امام کو رکوع میں پا لیا تو وہ رکعت ملی ورنہ نہیں ۔ (٢) اور دلیل عقلی یہ ہے کہ نماز کے افعال میں شرکت سے وہ رکعت ملے گی ، اور قیام قرأت اور رکوع فرض ہیں ، اب قیام اور قرأت میں شریک نہ ہو سکا تو کم سے کم رکوع میں تو شریک ہو اب اگر اس میں بھی شریک نہ ہو سکے تو تین فرائض چھوٹ جائیں گے ، اب اتنے فرائض چھوٹنے سے کیسے رکعت ملے گی۔
گی !اس لئے امام کے ساتھ رکوع میں ملے گا تو رکعت ملے گی ورنہ نہیں ۔
ترجمہ: ١ خلاف امام زفر کے ، وہ فرماتے ہیں کہ امام کو ایسی حالت میںپایا جسکا حکم قیام کا ہے ۔
تشریح : امام زفر فر ماتے ہیں کہ رکوع آدھا قیام ہے تو مقتدی بھی قیام میں ہے اور امام بھی رکوع یعنی قیام میں ہے، تو گویا کہ قیام میں دونوں کی شرکت ہو گئی ، اور ایک رکن میں شرکت ہو گئی تو اس رکعت کو پا لیا ۔
ترجمہ: ٢ اور ہماری دلیل یہ ہے کہ شرط افعال نماز میں شرکت کر نا ہے اور وہ نہیں پائی گئی ، نہ قیام میں اور نہ رکوع میں]اسلئے اس رکعت کو نہیں پایا [