ماہنامہ انوار مدینہ لاہور دسمبر 2003 |
اكستان |
اس پر تمام سامعین حیرت زدہ رہ گئے ۔تقریب کے اختتام پرچائے کا بندوبست تھا۔ اس دوران ایک عیسائی نوجوان کچھ پروفیسر حضرات کے ساتھ میرے پاس آیا اور کرسمس کے سلسلہ میں میری بیان کردہ بات کا ذکر چھیڑدیا اور انجیل کا حوالہ طلب کیا۔ میں نے اُسے کہا کہ آپ صبر کریں اس وقت حوالہ میرے ذہن میں نہیں ہے ایک ہفتہ تک بذریعہ خط پرنسپل صاحب کے نام انجیل کا حوالہ ارسال کردوں گا ۔آپ مطئمن رہیں چنانچہ اس طرح وہ صاحب چلے گئے۔ بورے والا واپس آکر میں نے برادرِ مکرم کی خدمت میں عریضہ ارسال کیا کہ میں نے فلاں جگہ یہ بات کہہ دی ہے ۔اب آپ میری عزت کا خیال رکھتے ہوئے اس سلسلہ میں فوری جواب ارسال کریں ۔چند دن بعد برادرِ مکرم جناب مولانا محمد امین صفدر اوکاڑوی مرحوم کا مفصل گرامی نامہ موصول ہوا جسے پڑھ کر تسلی ہوئی اور بھائی صاحب کا مرسلہ حوالہ انجیل پرنسپل انصاری صاحب کی خدمت میں بذریعہ ڈاک ارسال کردیا جس سے اُن پروفیسروں کو معلوم ہوگیا کہ کرسمس ڈے ٢٥دسمبر نہیں ہے بلکہ ٢٥ دسمبر کو یوم ِ ولادت مسیح کہنا انتہائی کم علمی اور انجیل سے ناواقفیت کی دلیل ہے ۔ الغرض ''رسیدہ بود بلائے ولے بہ خیرگزشت'' کے مصداق بندہ اس آفتِ ناگہانی سے بھائی صاحب کے مذکورہ خط کی وجہ سے سرخرو نکلا فللّٰہ الحمد۔ قارئینِ گرامی کے استفسار کے لیے بھائی صاحب کا وہ مفصل خط تحریر کر رہا ہوں تاکہ سب مسلمانوں کومعلوم ہو جائے کہ دنیائے عیسائیت اپنے نبی (حضرت عیسیٰ علیہ السلام )کے حالات سے کس قدر بے بہرہ ہے اور نادان مسلمان بھی ٢٥ دسمبر کو یوم ِ ولادتِ مسیح ماننا اور منانا ترک کرکے جادۂ مستقیم پر گامزن ہوجائیں ۔ از اوکاڑہ محمد امین صفدر ٧٧۔٨۔٢ برادرم السلام علیکم ورحمة اللہ وبرکاتہ ۔احوال آنکہ مرسلہ مکتوب ملا کاشفِ احوال ہوا۔ عزیز من : صہیونیت اور عیسائیت اب مردہ مذاہب ہیں ان کی مذہبی کتب مقدسہ عبرانی ،سریانی میں نازل ہوئی تھیں ۔یہ زبانیں ہی سرے سے اپنی زندگی کھو بیٹھی ہیں آپ ماشاء اللہ اہلِ علم ہیں ذرا نظر دوڑائیں کہ دنیا میں کسی جگہ بھی یہ زبانیں قومی یا ملکی حیثیت سے رائج ہیں؟وہ کونسا ملک ہے جہاں دفتری کارروائی عبرانی یا سریانی میں ہورہی ہے ثم ارجع البصر کرتین ینقلب الیک البصر خاسئا وھو حسیر الآیة۔ عزیزم ! جب وہ زبانیں ہی مردہ ہو چکیں نہ اُن کا روزہ مرہ باقی رہا نہ محاورہ تواب تراجم کی تصدیق کون کرے ۔ کیا آپ کے پاس اگر کسی ایسی سند کی